02:10, 29 - مامىر 2017 | GMT +5
كانادا پرەمەر-ءمينيسترى مەركەلگە ءتۇرلى-ءتۇستى شۇلىعىن كورسەتىپ ماقتاندى
استانا. قازاقپارات - كانادا پرەمەر-ءمينيسترى دجاستين تريۋدو بريۋسسەلدەگى ناتو سامميتىندە ءتۇرلى-ءتۇستى شۇلىقتارىن كورسەتىپ ماقتانىپ قالدى.
ەرەكشە سۋرەتتى گەرمانيا كانتسلەرى انگەلا مەركەل ءتىپتى ءوزىنىڭ ينستاگرامداعى پاراقشاسىندا جاريالاعان.
«كەرەمەت شۇلىقتار، دجاستين تريۋدو! كانادا پرەمەر-ءمينيسترى ءوزىنىڭ جاڭا ساتىپ العان نارسەسىن ەرەكشە ماقتانىشپەن كورسەتتى»، - دەپ جازدى ول.
سونداي-اق، تريۋدونىڭ ءوزى دە ەرەكشە شۇلىقتارىن الەۋمەتتىك جەلىلەردە اياماي جارنامالاعان. ماسەلەن، ۇلى بريتانيا پرەمەرى تەرەزا مەيمەن كەزدەسۋدە كوك ءتۇستى شۇلىق كيىپ كەلگەن.
ال فرانسيانىڭ جاڭا پرەزيدەنتى ەممانۋەل ماكرونمەن كەزدەسۋدە جولاق-جولاق شۇلىقتار كيىپتى.
