گەرمانيادا قوبىزشى راۋشان ورازبايەۆاعا ارنالىپ سايت جاسالدى
بۇل تۋرالى رۇستەم نۇركەنوۆ اتتى ازامات ءوزىنىڭ فەسبۋكتەگى پاراقشاسىندا ءبولىستى. وسىلايشا قازاقتىڭ ۇلتتىق مۋزىكا ونەرىنە ءتانتى جاستار، زامانۋي تەحنولوگيالاردى مادەنيەتپەن، ونەرمەن ۇشتاستىرىپ وتىر.
ال ونەرسۇيەر قاۋىمنىڭ بۇل ارەكەتتەرىنە ريزا بولعان جەلى وقىرماندارى يگىس ىسكە وزدەرىنىڭ ريزاشىلىقتارىن جاسىرا الماي وي-پىكىرلەرىن بىلدىرگەن. «انە، قوبىزعا ارنالعان سايت بىزدە جوق، ال ولاردا بار. اقپاراتتىق پورتالدار وسىنداي قاراپايىم ديزاينمەن دە اشىپ بەرمەيدى عوي. كۇزدىڭ سوڭىنا تامان سايت جاساۋدى ۇيرەنۋدى قولعا الماقپىن. كورەمىز سوندا»، - دەلىنگەن رۇستەم نۇركەنوۆتىڭ جازباسىندا.
جازبادا ءتىپتى سايتتىڭ قاراپايىم بولسا دا ەرەكشە تالعاممەن جاسالعانى كورىنىپ تۇر. شەتەلدەگى جاستار مىنە، ەلباسى كوتەرگەن رۋحاني جاڭعىرۋ ماسەلەسىنە وسىلايشا ۇلەس قوسۋدا دەۋگە بولادى.
اتالمىش باستاما بولاشاقتا قازاقستاننىڭ ونەرسۇيەر قاۋىمى تاراپىنان دا قولداۋ تاۋىپ، رۋحاني قۇندىلىقتار زاماناۋي جەتىستىكتەرمەن جەتىلىپ جاتسا نۇر ۇستىنە نۇر بولار ەدى، ارينە.
بۇل ءوز كەزەگىندە ەلباسىنىڭ « بولاشاققا باعدار: رۋحاني جاڭعىرۋ» اتتى ماقالاسىندا كورسەتىلگەن «بولاشاقتا ۇلتتىڭ تابىستى بولۋى ونىڭ تابيعي بايلىعىمەن ەمەس، ادامدارىنىڭ باسەكەلىك قابىلەتىمەن ايقىندالادى. سوندىقتان، ءاربىر قازاقستاندىق، سول ارقىلى تۇتاس ۇلت 21- عاسىرعا لايىقتى قاسيەتتەرگە يە بولۋى كەرەك»، - دەگەن سوزدەرىمەن ۇندەسەرى ءسوزسىز.
