سولتۇستىك كورەيا جاڭا اۋە قورعانىسى جۇيەسىن سىناقتان وتكىزدى

استانا. قازاقپارات - ق ح د ر اۋە قورعانىسىنىڭ جاڭا جۇيەسىن سىناقتان وتكىزدى، دەپ حابارلادى كورەيانىڭ ورتالىق تەلەگراف اگەنتتىگى.

بۇل تۋرالى korrespondent.net جازدى. سىناقتىڭ قاي كۇنى جانە قاي جەردە وتكىزىلگەندىگى تۋرالى حابارلانباعان.

اقپاراتتا تەك سىناققا سولتۇستىك كورەيانىڭ كوشباسشىسى كيم چەن ىننىڭ قاتىسقاندىعى عانا ايتىلادى.

پحەنيان وكىلدەرىنىڭ حابارلاۋىنشا، جاڭا اۋە قورعانىسى جۇيەسى ۇلتتىق اسكەري عىلىمدار اكادەمياسىنىڭ وكىلدەرى تاراپىنان دايىندالعان. سونداي-اق وتكەن جىلمەن سالىستىرعاندا جۇيەنىڭ مۇمكىندىكتەرى نىسانانى ىزدەپ تابۋ جانە ونىڭ ىزىنە ءتۇسۋ سونداي-اق دالمە-ءدال سوققى بەرۋ جاعىنان جاقسى جەتىلدىرىلگەن.

كيم چەن ىن وتكەن جىلى ءمالىم بولعان ءبىرقاتار كەمشىلىكتەردى جويۋدىڭ مۇمكىندىگى تۋعاندىعىن ايتادى.

ول اتالمىش قارۋ ءتۇرىنىڭ ءوندىرىسىن جاقسى جولعا قويىپ، بۇكىل ەل بويىنشا ورنالىستىرۋ جونىندە تاپسىرما بەرگەن.