قانات يسلام استانادا الۆارەستىڭ بۇرىنعى قارسىلاسىمەن جەكپە-جەك وتكىزۋى مۇمكىن

استانا. قازاقپارات - قازاقستاندىق بوكسشى قانات يسلام مەن امەريكالىق دجەيمس كيركلەند استانادا جەكپە-جەك وتكىزۋى مۇمكىن.

بۇل تۋرالى Vesti.kz حابارلايدى. باسىلىمنىڭ مالىمەتىنشە، بوكسشىلاردىڭ وكىلدەرى قازىرگى ۋاقىتتا جەكپە-جەككە قاتىستى ماسەلەلەردى تالقىلاپ جاتىر.

كەزدەسۋ استانادا 9- قىركۇيەكتە ءوتۋى مۇمكىن. تاراپتار جاقىن ارادا كەلىسىمگە كەلۋ كەرەك.

ايتا كەتەيىك، 33 جاستاعى دجەيمس كيركلەند وسىعان دەيىن 2015-جىلدىڭ مامىر ايىندا مەكسيكالىق ساۋل «كانەلو» الۆارەستەن جەڭىلگەن بولاتىن.

امەريكالىق بوكسشى 34 كەزدەسۋ وتكىزىپ، ولاردىڭ تەك ەكەۋىندە جەڭىلىسكە ۇشىراعان. سونداي-اق الۆارەستەن باسقا ول گولوۆكيننىڭ بۇرىنعى قارسىلاسى جاپوندىق نوبۋحيرو يشيدادان جەڭىلگەن بولاتىن.

ال قازاقستاندىق قانات يسلام بۇگىن ا ق ش- تىڭ بوكا راتون قالاسىندا 24-جەڭىسىنە قول جەتكىزدى، ونىڭ 19 ى مەرزىمىنەن بۇرىن اياقتالعان.