قاپشاعايلىق الاياقتار قايرات نۇرتاستىڭ وتپەيتىن كونسەرتىنە بيلەت ساتىپ، حالىقتى الداعان
بۇل تۋرالى قايراتتىڭ اناسى گۇلزيرا ايداربەكوۆا ايتىپ بەردى، دەپ حابارلايدى Stan.kz.
گۇلزيرا ۇسەن قىزى بىرنەشە كۇن بۇرىن افيشالاردى ءىلىپ، بيلەتتەردى ساتقان ادامنىڭ حابارلاسقانىن ايتتى.
«2-3 كۇن بۇرىن، ماعان ءبىر جىگىت زۆونداپ جىلاعانداي بولدى. «اپاي، ماعان ءبىر جىگىت مىنا افيشالاردى ءىلىپ، مىنا بيلەتتەردى وتكىزىپ بەرسەڭ قالام اقىڭدى بەرەم» دەگەن سوڭ كىرىسىپ، بيلەتتەردى ساتىپ جىبەردىم. ال افيشالاردى تۇگەل ءىلىپ، جارناما جاسادىم. ەندى پلاكات، بيلەتتەردى بەرگەن جىگىتكە زۆونداسام، مۇلدەم تۇتقاسى ءسوندىرۋلى، نە ىستەيمىن؟ » - دەيدى. مەن: «قايرات ول كۇنى بوس ەمەس، بارا المايدى، ءبىز ەشكىممەن كەلىسكەن جوقپىز، ىزدەپ تاپ نە سوتقا بەر» ، - دەدىم» ، - دەپ باستادى اڭگىمەسىن قايراتتىڭ اناسى.
ءانشىنىڭ اناسى مۇنى قايراتتىڭ اتىنا داق تۇسىرگىسى كەلەتىن ادامداردىڭ جاساعانىنا سەنىمدى. قاپالانعان گۇلزيرا ۇسەن قىزى كىنانى كىمگە تاعارىن بىلمەي دال. ال قاپشاعاي تۇرعىندارى قايرات پەن ونىڭ اناسىن كىنالاپ، ءتۇرلى جاعىمسىز پىكىرلەرىن جاۋدىرىپ جاتقان كورىنەدى. گۇلزيرا ۇسەن قىزى كونسەرت تۋرالى حابارسىز بولعانىن ايتىپ، قاپشاعاي تۇرعىندارىن تۇسىنىستىك تانىتۋعا شاقىردى.
«ەندى ويلاپ قاراڭىزدار، نە ءۇشىن افيشا، بيلەت شىعارىپ اقشا قۇرتىپ الەك بولدى دەگەن سۇراقتى وزدەرىڭىزگە قويىپ كورىڭىزدەر. مەنىڭ ويىمشا حالىققا قايرات جايلى كەرى پىكىر تۋعىزىپ، تاعى دا كوتەرىلسە، ابىرويىن تۇسىرسەك دەگەن قارا نيەت سەكىلدى. مۇنداي جاعداي بىزدە ءجيى كەزدەسەدى. انا بولعاسىن مەنىڭ جانىما باتاتىنى، نەگە قۇدايدان قورىقپاي مۇنداي ءىس- ارەكەتتەرگە بارادى دەگەن وي. بۇل كىمدەردىڭ ءىسى؟
تۋرا وسى جاعداي كەشەگى ديماشتى پايدالانا وتىرىپ بالالاردىڭ اراسىنا ىرىتكى سالۋ. تەك بالالارىمىزدىڭ ەمەس، حالىقتى بىزگە قارسى قويۋ باعىتى ما دەپ تە ويلايمىن. ديماشتىڭ اتا- اناسىن ءدال مەن جاقسى تۇسىنەمىن، بالاسى ءۇشىن تەر توگۋ باسىمنان وتە تۇرا وپاسىزدىققا بارۋ ميىما دا كىرىپ شىقپايدى. ەستەرىڭىزدە بولسا، پرايمداعى وقيعا. ودان كەيىن بالۋان شولاقتا ادەيىلەپ حالىققا بيلەت ساتىپ، وزدەرىنىڭ ءىزى دە جوق، تاعى دا كوتەرىلىس بولۋعا شاق قالعان بولاتىن، YouTube-تا بار بۇل جاعداي.
ونىمەن دە بىتكەن جوق، اقسۋ نە بولماسا اقشي دەگەن قالادا تاعى وسىنداي جاعداي باستان كەشتى، حالقى بىزگە سەنبەي قالعانىن اڭگىمە ەتتى. بيلەت ساتقان ادام ۇشتى- كۇيلى جوق، ال ءبىز حابارسىزبىز، ەستىمەگەنبىز دە. وسىنىڭ ءبارى كىمگە كەرەك؟ ەش تۇسىنە المايمىن. قاپشاعايلىقتار كەشەگى كونسەرتتەن ءبىزدىڭ ەش حابارىمىز جوق ەكەنىن ەسكەرە وتىرىپ، تۇسىنىستىكپەن قاراساڭىزدار بولار ەدى.
مۇنىڭ ءبارى كىمگە كەرەك بولدى ەكەن؟ بۇل جەردە انشىلەر ەمەس ەكەنى انىق. ونەر ادامدارىنىڭ جۇرەگى جۇمساق كەلەدى. قايراتتىڭ شىققانىنا 10 جىل بولدى، بولعان جاعدايلارعا كوز جۇگىرتىپ كورىڭىزدەرشى؟ ال مەن بۇل سۇراقتىڭ جاۋابىن تابا الار ەمەسپىن» ، - دەپ جازادى گۇلزيرا ۇسەن قىزى.
