ەلىرگەن جولاۋشى ۇشاقتان سەكىرىپ كەتتى

استانا. قازاقپارات - ا ق ش- تا جولسەرىكتى تىستەمەك بولعان ارەكەتى ءساتسىز اياقتالعان جولاۋشى ۇشاقتان سەكىرىپ كەتتى.

 بۇل وقيعا 25 - مامىردا سولتۇستىك كارولينا شتاتىنداعى شارلوتت دۋگلاس حالىقارالىق اۋەجايىندا بولدى، دەپ حابارلايدى Associated Press اگەنتتىگى.

 American Airlines اۋەكومپانياسىنىڭ 5242 رەيسى نيۋ- بەرنگە ۇشۋى ءتيىس بولعان. لاينەر اۋەگە كوتەرىلەر ساتتە 22 جاستاعى تۋ لون سەين ءوز ورنىنان تۇرىپ باستى ەسىكتى اشپاق بولادى. جولسەرىكتەر مەن ەكى جولاۋشى جاس جىگىتتىڭ بۇل ەرسى قىلىعىنا بوگەت جاساماققا ارەكەتتەنگەن، ءبىراق ول بۇعان جاۋاپ رەتىندە اۋەكومپانياسىنىڭ قىزمەتكەرىن تىستەمەككە ۇمتىلدى. ارتىنشا ەسىكتى اشىپ ۇلگەرگەن ول ۇشاقتان سەكىرىپ كەتتى. اتاپ وتىلگەندەي، جۇما كۇنى جاس جىگىت سوت الدىندا جاۋاپ بەردى. ول ەكيپاج مۇشەلەرىنە شابۋىل جاساعانى جانە قورقىتقانى ءۇشىن ايىپتالدى.