ديماش قىتايدىڭ ۇزدىك مۋزىكالىق جۇلدەسىندە تاعى ەكى نوميناتسياعا ۇسىنىلدى
شارانىڭ رەسمي ۆەب- سايتىندا (mtv.com.tw) ديماش «ەڭ ۇزدىك شەتەلدىك تانىمال ءانشى» جانە «ەڭ تانىمال جاڭا ءانشى» نوميناتسيالارىنا ۇسىنىلعان. ال ءار اتالىمدا ديماشتان وزگە تاعى 8 ۇمىتكەر بولىپ وتىر.
«2017 MTV Global Chinese Music Awards» قىتايداعى ەڭ اۋقىمدى مۋزىكالىق شارا بولىپ سانالادى. ماراپاتتاۋ كەشى 2 - شىلدە كۇنى شىنجىن قالاسىندا وتەدى. شارا بارىسىندا 44 ۇمىتكەر 10 نوميناتسيا بويىنشا جەڭىمپازدى انىقتايدى. ۇمىتكەرلەر اراسىندا قىتاي ەستراداسىنىڭ جۇلدىزدارى بار. ايتا كەتەيىك، «ەڭ ۇزدىك شەتەلدىك تانىمال ءانشى» نوميناتسياسىندا 2016 -جىلى كورەيا ءانشىسى چون دجيحۋن (Rain) جەڭىسكە جەتكەن بولاتىن. ديماش قىتايدىڭ «Singer 2017» ءان بايقاۋىنان كەيىن، قىتايدا «ازيانىڭ ەڭ تانىمال ءانشىسى» ، «حالىقارالىق دارەجەدەگى تانىمال ءانشى» جانە «جىلدىڭ ەڭ تانىمال ءانشىسى» جۇلدەلەرىن جەڭىپ الدى.
