18:33, 26 - مامىر 2017 | GMT +5
رامازان كەزىندە قايىر سۇراۋعا تىيىم سالىندى
استانا. قازاقپارات - قاسيەتتى رامازان ايى قارساڭىندا دۋباي قالاسىنىڭ پوليتسيا قىزمەتى كوشەدەگى قايىرشىلارعا ساداقا بەرمەۋ جايىندا ۇندەۋ جاريالاپ وتىر.
ۇندەۋدە يسلام ءدىنىنىڭ ساداقا بەرۋگە، جاقسىلىق جاساۋعا شاقىراتىنىن ايتا كەلىپ، بۇل ءۇشىن ارنايى جولدارى بار ەكەنىن ەسكەرتەدى
دۋباي قالاسىنىڭ پوليتسيا ءتوراعاسى، گەنەرال- مايور ومار ءالي مۋحايري كوشەدە قايىر سۇراپ جۇرەتىندەردىڭ كوبىسى الاياقتار جانە قىلمىستىق توپتارعا قاتىسى بار جاندار ەكەنىن اتاپ ءوتتى. ولارعا بەرىلگەن ساداقانىڭ زۇلىمدىق ىستەرگە جۇمسالاتىنىن دا ەسكەرتەدى.
«پوليتسيا قىزمەتكەرلەرى وسى ءبىر كەلەڭسىز جاعدايدى توقتاتقىسى كەلەدى. بىزدەر وزدەرىن قايىرشى ەتىپ كورسەتىپ، وڭاي جولمەن پايدا تاپقىسى كەلەتىندەرگە قارسى كۇرەس شارالارىن جۇرگىزىپ كەلەمىز، جۇرگىزە دە بەرەمىز. بۇعان قوسا، قالا تۇرعىندارىنان دا جاۋاپكەرشىلىكپەن قاراۋىن سۇرايمىز» ، - دەلىنگەن مالىمدەمەدە.
Muslim.kz
