16:17, 26 - مامىر 2017 | GMT +5
نوسەر جاۋىننان كەيىن الماتىدا كولىكتەر سۋدا ءجۇزىپ ءجۇر - فوتو، كەسكىن
استانا. قازاقپارات - نوسەر جاۋىننان كەيىن الماتىنىڭ كوشەلەرىن قايتادان سۋ باستى، - دەپ حابارلايدى Tengrinews.kz ءتىلشىسى.
26 -مامىردا تۇستەن كەيىن جاۋعان نوسەر جاۋىن سالدارىنان قالاداعى كوشەلەردى سۋ الىپ قالدى. وسىلايشا، تولە ءبي كوشەسىندە سۋ دەڭگەيى 10-15 سانتيمەتر بولىپ تۇر. ياسساۋي مەن وتەگەن باتىر كوشەلەرىندە دە جاعداي وسىنداي.
جۇرگىزۋشىلەردىڭ ايتۋىنشا، دوستىق داڭعىلىنان اسقاندا ءال- فارابي داڭعىلى بويىندا دا قوزعالىس قيىنداعان. كەي كوشەلەردە باعدارشامدار ىستەن شىققان. سونىڭ ىشىندە، اباي - التىنسارين، اباي مەن ماناس جانە جاندوسوۆ پەن ناۋاي كوشەلەرىنىڭ قيىلىسىندا باعدارشامداردىڭ ىستەن شىعۋىنا بايلانىستى قوزعالىس قيىنداعان.
