ۇلىتاۋ ءوڭىرىن زەرتتەۋ جۇمىستارى باستالدى
«قاراعاندى وبلىسىندا ەلباسىنىڭ «بولاشاققا باعدار: رۋحاني جاڭعىرۋ» ماقالاسى بويىنشا اۋقىمدى جۇمىستار باستالىپ كەتتى. ءبىز وسى ماقالانىڭ ىشىندەگى ويلاردىڭ قانشالىقتى تەرەڭ ەكەندىگىن ىسكە اسىرۋ بارىسىندا سەزىنە باستادىق. بىرىنشىدەن، زيالى قاۋىم، قوعام، كاسىپكەرلەر وسى باستامانى تولىقتاي قولداپ وتىر. ماسەلەن، «تۋعان جەرگە تاعزىم» باعدارلاماسى اياسىندا كاسىپكەرلەرىمىز قازىرگى ۋاقىتتا جۇزدەگەن ميلليون تەڭگەگە الەۋمەتتىك نىساندار سالۋدا. وزدەرى تۋعان جەرلەرىنە دە كومەك كورسەتۋدە» ، - دەدى وبلىس اكىمى. قوشانوۆ قاراعاندى وبلىسى كيەلى جەرلەرگە وتە باي ەكەندىگىن دە باسا ايتتى. «ونىڭ ىشىندە مەملەكەت باسشىسىنىڭ ماقالاسىندا ايتىلعان ۇلىتاۋ ءوڭىرى دە بار. بۇل بىزگە ۇلكەن جاۋاپكەرشىلىك جۇكتەيدى. سوندىقتان ۇلىتاۋدى دامىتۋ، ونى ارى قاراي ناسيحاتتاپ، زەرتتەۋ بويىنشا ناقتى جۇمىستاردى باستاپ كەتتىك. اۋقىمدى جوسپارلارىمىز دا بار» ، - دەدى ءوڭىر باسشىسى.
اۆتور: مارلان جيەمباي
