قازاقستان اۋسىلدان تازا ەل مارتەبەسىن الدى
«مەملەكەت باسشىسى نۇرسۇلتان نازاربايەۆتىڭ اگروونەركاسىپ كەشەنى ءونىمىنىڭ ەكسپورت كولەمىن ۇلعايتۋ جونىندەگى تاپسىرماسىن ورىنداۋ شەڭبەرىندە قازاقستان رەسپۋبليكاسىنىڭ ۇكىمەتى اتالعان باعىتتا شارالار كەشەنىن ىسكە اسىرۋدا. ماسەلەن، ق ر ۇكىمەتى مەن حالىقارالىق ەپيزووتيالىق بيۋرو (حەب) اراسىندا ىنتىماقتاستىق باعدارلاماسى تۋرالى كەلىسىمگە قول قويىلدى. اتقارىلعان شارالاردىڭ ناتيجەسىندە، 2017-جىلدىڭ 25- مامىرىندا پاريجدە قازاقستانعا اۋسىلدان تازا ايماق مارتەبەسىن بەرۋ تۋرالى سەرتيفيكاتتى رەسمي تۇردە تاپسىرۋ ءراسىمى بولدى»، - دەدى ق ر اۋىل شارۋاشىلىعى ءبىرىنشى ۆيتسە-ءمينيسترى قايرات ايتۋعانوۆ.
ونىڭ سوزىنە قاراعاندا، 23- مامىردا پاريجدە حالىقارالىق ەپيزووتيالىق بيۋرو باس اسسامبلەياسىنىڭ 85^- ء^شى وتىرىسىندا ح ە ب- كە مۇشە 180 ەلدىڭ وكىلدەرى قازاقستاننىڭ اۋسىلدان تازا ايماق مارتەبەسىنە ءبىراۋىزدان داۋىس بەردى. «ەلدىڭ اۋسىلدان تازا مارتەبەسىن الۋى قازاقستانعا د س ۇ- عا مۇشە ەلدەرگە جانۋارلار مەن وسىمدىكتەردەن الىناتىن ونىمدەردى ەكسپورتتاۋعا، ءبىزدىڭ اگروونەركاسىپتىك كەشەننىڭ ەكسپورتتىق الەۋەتىن ىسكە اسىرۋعا مۇمكىندىك بەرەدى، سونداي-اق قازاقستاننىڭ ەكونوميكالىق دامۋىنا جانە يميدجىنە وڭ اسەر ەتەدى.
قىتاي حالىق رەسپۋبليكاسىنىڭ ۆەتەريناريا بويىنشا ۋاكىلەتتى ورگانى وتكەن جىلدىڭ قىركۇيەك ايىندا ح ە ب- ءتىڭ شەشىمى نەگىزىندە 9 وبلىستان اۋسىل بويىنشا شەكتەۋلەردى العانىن اتاپ ءوتۋ قاجەت.
ق ر ا ش م ۆەتەريناريالىق باقىلاۋ جانە قاداعالاۋ كوميتەتى جاڭا عانا الىنعان مارتەبە نەگىزىندە قالعان 5 وبلىستان شەكتەۋلەردى الۋ ءۇشىن قىتاي تاراپىمەن جۇمىس جۇرگىزۋدى جالعاستىرۋدا»، - دەپ ناقتىلادى ايتۋعانوۆ.
مۇنىمەن قوسا، يران جانە يزرايل ەلدەرى اتالعان مارتەبە نەگىزىندە قازاقستاننىڭ بارلىق اۋماعىنان ءبىزدىڭ اۋىل شارۋاشىلىعى ءونىمىن ەكسپورتتاۋعا ارنالعان رۇقساتپەن كەلىسۋگە دايىن.
ونىڭ پايىمىنشا، ح ە ب شەشىمى قازاقستانىڭ اوك سالاسىن دامىتۋدىڭ 2017-2021-جىلدارعا ارنالعان جاڭا مەملەكەتتىك باعدارلاماسى شەڭبەرىندە ىسكە اسىرىلاتىن ەلىمىزدىڭ ۆەتەريناريالىق قىزمەتىندەگى جۇيەلى وزگەرىستەردىڭ ناتيجەسى بولدى جانە وتاندىق تاۋار وندىرۋشىلەر ءۇشىن جاڭا مۇمكىندىكتەرگە جول اشادى.
اۆتور: رۋسلان عابباسوۆ
