قازاقستاندا ەلەكتروندى قولتاڭبا قاجەت بولماۋى مۇمكىن
بۇل تۋرالى ru.sputniknews.kz باسىلىمى حابارلايدى.
«كەيبىر مەملەكەتتىك قىزمەتتەردىڭ ەلەكتروندى نۇسقاسىنىڭ جوق ەكەنى انىقتالدى. بۇل ە س ق الۋدىڭ قيىندىعىمەن، اۋىلدىق جەرلەردىڭ ينتەرنەت جەلىسىمەن تولىق قامتاماسىز ەتىلمەگەنىمەن بايلانىستى بولىپ وتىر. وسىعان وراي، ە س ق- نى الىپ تاستاۋ تۋرالى ماسەلە قاراستىرىلىپ جاتىر. سەبەبى، ە س ق- نى جىل سايىن ۇزارتىپ وتىرۋ قاجەت. ونى الىپ تاستاۋعا كەڭەس بەرەمىز»، - دەيدى مەملەكەتتىك قىزمەت دەپارتامەنتىنىڭ ديرەكتورى ادىلبەك مۇقاشەۆ.
مۇنىمەن قاتار، ول جەمقورلىقتى الدىن الۋ ماقساتىندا جوعارى تولەمنىڭ ارقاسىندا قۇجاتتاردى مەرزىمىنەن ەرتە جاساتۋعا بولاتىن مەملەكەتتىك قىزمەتتەر شەڭبەرىن كەڭەيتۋدى ۇسىندى.
مىسالى، رەتىندە پاسپورت پەن ءتول قۇجات قاراستىرىلدى.
«ياعني كاسىپكەر ليتسەنزيانى مەرزىمىنەن بۇرىن الۋ ءۇشىن قوسىمشا اقشانى تولەسە بولعانى. بۇل ازىرگە ءبىزدىڭ بولجامىمىز بەن كەڭەسىمىز. ءبىز تەكسەرۋ جۇمىستارىن جۇرگىزىپ جاتىرمىز. ءبىر كۇندە دايىن بولعان قۇجاتتى ءبىر ازامات ەرتە، ەكىنشىسى كەش الادى. مۇندا جەمقورلىق بولۋى مۇمكىن»، - دەيدى ول.
