ناتو «يسلام مەملەكەتىمەن» كۇرەس بويىنشا حالىقارالىق كواليتسياعا قوسىلدى
بۇل جايلى ناتونىڭ باس حاتشىسى يەنس ستولتەنبەرگ بريۋسسەلدەگى اليانسقا مۇشە- ەلدەر سامميتىندە باياندادى، دەدى ناتونىڭ رەسمي وكىلى وانا لۋگەنسكۋ Twitter اگەنتتىگىنە بەرگەن مالىمدەمەسىندە.
ستولتەنبەرگ كواليتسياعا قوسىلۋ ناتونىڭ جاۋىنگەرلىك ارەكەتتەرگە قاتىسۋىن بىلدىرمەيتىندىگىن ايتىپ ءوتتى. سونداي-اق، اليانس باسشىسى ناتونىڭ كواليتسيا مۇمكىندىگىن كۇشەيتۋگە اتسالىساتىندىعىن دا تىلگە تيەك ەتتى.
بريۋسسەلدەگى سامميت بارىسىندا اليانستىڭ شتاب-پاتەرىندە اقپارات الماسۋ بويىنشا لاڭكەستىككە قارسى ورتالىق اشۋ جونىندە شەشىم قابىلداندى. ناتو جانىنداعى رەسەيدىڭ تۇراقتى وكىلى الەكساندر گرۋشكو اليانستىڭ كواليتسياعا بىرىگۋىنەن ەشتەڭە ونبەيتىندىگىن ايتىپ ءوتتى.
«مەنىڭ پىكىرىمشە، بۇل جاسالعان قادامنىڭ بەرەتىنى شامالى، ويتكەنى، اليانسقا مۇشە ەلدەردىڭ بارلىعى وسى كواليتسيانىڭ دا مۇشەلەرى»، - دەدى گرۋشكو.
يراك جانە سيرياداعى لاڭكەستەرمەن كۇرەس جونىندەگى حالىقارالىق كواليتسياعا 68 مەملەكەت كىرەدى. ول 2014-جىلدىڭ تامىز ايىندا قۇرىلعان. كواليتسيانىڭ باسىندا ا ق ش تۇر.
