كاسىپكەر اقمولالىق وقۋشىلارعا مەكتەپ سالىپ بەرمەك

استانا. قازاقپارات -  اقمولا وبلىسىنىڭ سەلينوگراد اۋدانىندا بۇگىن جاڭا مەكتەپ قۇرىلىسىنىڭ نەگىزى قالاندى. ەندى اۋداندا ەكى بىردەي جاڭا وقۋ ورداسى بولادى.

ءبىرىنشىسى، 50 ورىندىق پرەوبراجەنكا اۋىلىنداعى مەكتەپ بىلتىر پايدالانۋعا بەرىلگەن. ەكىنشىسى قوسشى اۋىلىندا بوي كوتەرەدى. قۇرىلىستىڭ 350 ميلليون تەڭگە شىعىنىن جەرگىلىكتى كاسىپكەر تولىقتاي ءوز موينىنا الىپ وتىر. قۇرىلىس اياقتالعاننان كەيىن مەكتەپ مەملەكەت قاراماعىنا وتەدى.

«الەۋمەتتىك جوبالار - بۇل ۋاقىت تالابى ءارى ەلباسىنىڭ جولداۋىنا قولداۋ»، - دەيدى مەتسەناتتىڭ ءوزى.

سايرا ماتايبايەۆا، كومپانيانىڭ باس ديرەكتورى:

 - وقۋ ورداسى 200 وقۋشىعا ارناپ سالىنادى جانە 2045 شارشى مەتردى قۇرايتىن بولادى. مەكتەپتىڭ وقۋ جۇيەسى اعىلشىن تىلىنە بەيىمدەلەدى. قازىر قۇرىلىسقا قاجەتتى ماتەريالدار ساتىپ الىندى ءارى جوبالىق- سمەتالىق قۇجاتتاماسى دايىندالدى. جاڭا مەكتەپتى كەلەسى وقۋ جىلىنا تاپسىرۋدى جوسپارلاپ وتىرمىز.

www.24.kz