اقمولا وبلىسىنداعى مەكتەپتىڭ بىرىندە بيىل جالعىز تۇلەك ءبىتىردى

استانا. قازاقپارات - اقمولا وبلىسىنىڭ ارشالى اۋدانىنا قاراستى تۇرگەن اۋىلىندا 11-سىنىپتى جالعىز وقۋشى ءبىتىرىپ شىقتى، دەپ حابارلايدى قازاقپارات 31- ارناعا سىلتەمە جاساپ.

الەكسەي دەريەۆيانكونىڭ قاتارلاستارى 9-سىنىپتان سوڭ كوللەدجەرگە كەتىپ قالعان ەكەن.

وسىلايشا تۇرگەن ورتا مەكتەبىنىڭ مۇعالىمدەرى سوڭعى ەكى جىلدان بەرى 11-سىنىپتان تەك الەكسەي دەريەۆيانكونى وقىتىپ كەلىپتى. ال تۇلەكتىڭ ءوزى، العاشىندا ءبىر سىنىپتا جالعىز وقۋ ەرسى بولعانىن جاسىرمايدى.

مەكتەپ بىتىرگەن سوڭ، الەكسەي قاراعاندىعا بارىپ، اۆتوەلەكتريك ماماندىعىن وقۋدى جوسپارلاپ وتىر. مۇعالىمدەر جالعىز تۇلەككە ءتىپتى مەكتەپ ءبىتىرۋ كەشىن ۇيىمداستىرىپ بەرمەك نيەتتە.

اۋدان اكىمدىگىنىڭ سايتىنداعى مالىمەت بويىنشا استانادان 72 شاقىرىم قاشىقتىقتاعى تۇرگەن اۋىلىندا سوڭعى ساناق بويىنشا 890 ادام تىركەلگەن.