قازاقستاندىقتارعا شەتەلدە جانە ەلىمىزدە دەمالىس قىمباتتاي ءتۇستى
قازاقستان ىشىندەگى دەمالىس 14 پايىزعا قىمباتتاسا، شەتەلدە دەمالۋ باعاسى بىردەن 46 پايىزعا قىمباتتاپ كەتكەن. رەسمي مالىمەتتەرگە سۇيەنسەك، 2016 -جىلى قازاقستاندىق دەمالۋعا ورتا ەسەپپەن 49,5 مىڭ تەڭگە جۇمساعان. ال ونىڭ الدىڭعى جىلى، ياعني 2015 -جىلى قازاقستاندىق دەمالۋعا ورتا ەسەپپەن 39 مىڭ تەڭگە جۇمسايتىن.
سونداي- اق، ساراپشىلاردىڭ مالىمەتىنشە، شەتەلدە دەمالۋ قۇنى ايتارلىقتاي قىمباتتاعان. 2016 -جىلى شەتەلدە دەمالىپ كەلۋگە 1 ادامعا 144 مىڭ تەڭگە كەتكەن. بۇل 2015 -جىلعى كورسەتكىشپەن سالىستىرعاندا 46 پايىزعا جوعارى ەكەن. «قازاقستان ىشىندە دەمالۋعا كەتەتىن شىعىن قاتتى قىمباتتاعان جوق، ءبىراق وزگەرىستەر بار. 2016 -جىلى قازاقستاندىق ءوز ەلىندە دەمالۋعا 31 مىڭ تەڭگە جۇمساعان. بۇل 2015 -جىلمەن سالىستىرعاندا 14 پايىزعا قىمبات. الايدا ەل ىشىندە دەمالعان قازاقستاندىقتارعا ازىق- تۇلىك ونىمدەرىنە كوپ اقشا جۇمساۋ كەرەك بولعان. 2015 -جىلى تاماقتانۋعا ورتا ەسەپپەن 5-6 مىڭ تەڭگە جۇمسالسا، 2016 -جىلى بۇل كورسەتكىش 6-7 مىڭ تەڭگەگە جەتكەن»، - دەدى ماماندار.
سونداي-اق، دەمالىس كەزىندە كولىك قۇرالدارىنا كەتەتىن شىعىننىڭ كوبەيگەنى ايتىلادى. كولىك ماسەلەسى جالپى دەمالۋعا كەتەتىن شىعىننىڭ 17,6 پايىزىن الادى ەكەن. مامانداردىڭ ايتۋىنشا، قوناق ءۇيدىڭ دە باعاسى 65 پايىزعا قىمباتتاپ، ورتا ەسەپپەن 18 مىڭ تەڭگەگە جەتكەن.
