قازاقستاندا جاڭا ينتەرنەت-پورتال اشىلماق

استانا. قازاقپارات - ق ر ءدىن ىستەرى جانە ازاماتتىق قوعام مينيسترلىگىندە «اتامەكەن» ىشكى باعدارلاماسى تۇجىرىمداماسىنىڭ جوباسى تالقىلاندى، دەپ حابارلايدى ۆەدومستۆونىڭ باسپا ءسوز قىزمەتى.

اتالمىش باعدارلاما ەلباسىنىڭ «بولاشاققا باعدار: رۋحاني جاڭعىرۋ» ماقالاسى اياسىندا بەرگەن تاپسىرماسى بويىنشا ازىرلەنگەن «تۋعان جەر» باعدارلاماسىنىڭ، سونداي-اق «رۋحاني جاڭعىرۋ» قوعامدىق سانانى جاڭعىرتۋ باعدارلاماسىنىڭ قۇرىلىمدىق ءبولىمى بولىپ تابىلادى. كەزدەسۋ بارىسىندا ۇكىمەتتىك ەمەس ۇيىمدار مەن ساراپشىلىق قاۋىمداستىق وكىلدەرى ءۇش نەگىزگى جوبادان: «ازاماتتىق باستامالار كارتاسى»، «ازاماتتىق باقىلاۋ»، «جومارت جۇرەك» تۇراتىن ىشكى باعدارلامانى ىسكە اسىرۋدىڭ نەگىزگى تۇجىرىمدامالىق تاسىلدەمەلەرىن قاراستىردى.

«ازاماتتىق باستامالار كارتاسى» نەگىزگى جوباسىنىڭ باستى مىندەتى وڭىرلەردىڭ كوكەيكەستى قاجەتتىلىكتەرىن انىقتاۋ، ازاماتتىق باستامالاردى ىنتالاندىرۋ، سونداي-اق مەملەكەتتى، بيزنەس-قۇرىلىمدار، ۇكىمەتتىك ەمەس ۇيىمداردىڭ وكىلدەرى مەن ەرىكتىلەردى وڭىرلىك جوبالاردى جۇزەگە اسىرۋ مەن قولداۋعا تارتۋ بولىپ تابىلادى.

«ازاماتتىق باقىلاۋ» جوباسىنىڭ ماقساتى - ايرىقشا وتكىر الەۋمەتتىك ماڭىزى بار ماسەلەلەردى جەدەل شەشۋ، سونىمەن قاتار مەملەكەتتىك ورگاندار قىزمەتىنىڭ تيىمدىلىگىن ازاماتتاردىڭ باعالاۋ مەحانيزمىن قۇرۋ.

«جومارت جۇرەك» نەگىزگى جوباسىن ىسكە اسىرۋ تۇرعىنداردى كىشى وتاندى دامىتۋعا قاتىسۋىنا ىنتالاندىرۋعا باعىتتالعان. ءىس-شاراعا ەرلان سايروۆ (ساياساتتانۋشى)، ايگۋل سولوۆيەۆا («ايماق» ق ق)، ەسەنتۇگەل ەلەۋكەن («قازاقستان ك ۆ ن وداعى» ر ج ق ب)، قانات اۋەسباي (ۇ ا ق «ازاماتتىق باستامالاردى قولداۋ ورتالىعى» ساراپتاۋ كوميسسياسىنىڭ مۇشەسى)، قايرات ەلۋبايەۆ («قاھارمان ۇرپاق» ق ق)، بايان احمەتجانوۆا («ارداگەر» ق ق)، ەلەنا دميتريەنكو («جۇلدىز» ق ب)، نۇرلان وتەش (ۇ ا ق «ازاماتتىق باستامالاردى قولداۋ ورتالىعى») جانە ت. ب. قاتىستى.

تالقىلاۋ بارىسىندا كەزدەسۋ قاتىسۋشىلارى جوبالاردى ىسكە اسىرۋ بويىنشا ءبىرقاتار شارالار ۇسىندى.

ق ر ءدىن ىستەرى جانە ازاماتتىق قوعام ۆيتسە-ءمينيسترى ابزال نۇكەنوۆ «اتامەكەن» ىشكى باعدارلاماسىنىڭ تۇجىرىمداماسىن ىسكە اسىرۋ ازاماتتىق باستامانى ارتتىرۋعا سەپتىگىن تيگىزەدى دەپ اتاپ ءوتتى.

اتالمىش جوبا اياسىندا الەۋمەتتىك جانە وزگە ماسەلەلەردى شەشۋگە ءار ازاماتتىڭ ۇلەس قوسۋ مۇمكىندىگى قاراستىرىلعان.

مىسال ءۇشىن، ە ت س ق ارقىلى ازاماتتاردىڭ كوكەيكەستى ماسەلەلەرى مەن ونى شەشۋ جولدارى بويىنشا ۇسىنىستار جولداناتىن ينتەرنەت-پورتال قۇرۋ جوسپارلانعان.

ساياسات تانۋشى ەرلان سايروۆ بۇل جوبالاردى جۇزەگە اسىرۋ بارلىق قازاقستاندىقتاردى بىرىكتىرۋگە مۇمكىندىك بەرەدى دەپ اتاپ ءوتتى. وسى ورايدا اتالمىش ينتەرنەت-پورتالدى ازىرلەۋ مەن ىلگەرىلەتۋ ۇدەرىسىنە بارلىق ازاماتتاردىڭ قاتىسۋىن قامتاماسىز ەتۋ ءۇشىن، بۇل ماسەلەنى ەگجەي-تەگجەيلى قاراستىرۋدى ۇسىندى. ءوز كەزەگىندە، بەلگىلى جۋرناليست قانات اۋەسباي جوبالاردى ىسكە اسىرۋدا جوبالاردىڭ تيىمدىلىگىن باعالاۋعا مۇمكىندىك بەرەتىن تيىمدىلىكتىڭ نەگىزگى كورسەتكىشتەرىن (KPI) ەسكەرۋ قاجەتتىلىگىن ايتتى.

ءىس-شارا قورىتىندىسى بويىنشا ق ر ءدىن ىستەرى جانە ازاماتتىق قوعام ۆيتسە-ءمينيسترى ابزال نۇكەنوۆ ۇكىمەتتىك ەمەس ۇيىمدار مەن ساراپشىلىق قاۋىمداستىق وكىلدەرىن ساراپشىلار مەن كەڭەسشىلەر رەتىندە جوبالىق توپتاردىڭ جۇمىسىنا، سونداي-اق ىسكە اسىرىلىپ جاتقان جوبالارعا قوعامدىق مونيتورينگكە بەلسەنە قاتىسۋعا شاقىردى.