ا ق ش سيريا جانە ك ح د ر- عا قارسى جاڭا سانكسيالار دايىنداۋدا
قارجى مينيسترلىگىنىڭ جوسپارى جايلى ول ا ق ش وكىلدەرىنىڭ پالاتا بيۋدجەتى جونىندەگى كوميتەتىنە ارنالعان مالىمدەمەسىندە باياندادى.
«ءبىز امەريكالىقتاردىڭ ءومىرىن قورعاۋ ماقساتىندا يران، سيريا جانە سولتۇستىك كورەياعا قارسى قوسىمشا سانكسيالار ەنگىزۋ ءۇشىن قولىمىزدان كەلگەننىڭ ءبارىن ىستەيمىز»، - دەدى منۋچين.
سونداي- اق، ول بۇل ماسەلەنى ءوزىنىڭ نازارىنا الىپ، پرەزيدەنتپەن تالقىلاۋعا نيەتتى ەكەندىگىن جەتكىزدى. قارجى ءمينيسترى ونىڭ ۆەدومستۆوسى قاراستىراتىن شارالاردىڭ تاعى ءبىرى Boeing جانە Airbus ۇشاقتارىن يرانعا ساتۋعا ارنالعان ليسەنزيالاردى قايتا قاراۋ ەكەندىگىن ايتىپ ءوتتى. يراننىڭ يادرولىق باعدارلاماسى جونىندە كەلىسىم جاسالىپ، سانكسيا الىنعاننان كەيىن، Boeing جانە Airbus يرانمەن لاينەرلەردى جەتكىزۋ جونىندە كەلىسىمشارتقا وتىردى.
2016 -جىلدىڭ جەلتوقسان ايىندا بەلگىلى بولعانداي، يراننىڭ ۇلتتىق اۋە تاسىمالداۋشى كومپانياسى Iran Air Boeing-تەن 80 ۇشاق ساتىپ الادى. كەلىسىم قۇنى 16,6 ميلليارد دوللاردى قۇرادى. كومپانيا كەلىسىم جاساۋ ءۇشىن ا ق ش ۇكىمەتىنىڭ رۇقساتىن العان. كەيىننەن Airbus تا يرانمەن كەلىسىمشارتقا وتىردى. كەلىسىم بويىنشا، كومپانيا ەلگە 18 ميلليارد دوللار تۇراتىن 100 ۇشاق جەتكىزۋگە ءتيىس. 20 - مامىر كۇنى ساۋد ارابياسىنان باستالعان تاياۋ شىعىس ەلدەرى ساپارىنداعى مالىمدەمەسىندە ترامپ يراندى «وقشاۋلاۋ» كەرەكتىگى جونىندە ايتتى. بۇدان باسقا، امەريكا پرەزيدەنتى تەگەراننان «لاڭكەستەرگە قولداۋ كورسەتۋىن دوعارۋىن» جانە زىمىران باعدارلاماسىن دامىتۋدان باس تارتۋىن تالاپ ەتتى.
