12:39, 25 - مامىر 2017 | GMT +5
قۋانىش سۇلتان ۇلى وزىنە قيانات جاساعان امانگەلدى ايتالىعا وكپەسىن ايتتى
استانا. قازاقپارات - استاناعا نۇرسۇلتان نازاربايەۆتىڭ ەسىمىن بەرۋ تۋرالى باستاما كوتەرگەن ءماجىلىس دەپۋتاتى قۋانىش سۇلتانوۆ ءالى دە ءوز پىكىرىندە ەكەنىن ايتتى.
بۇل تۋرالى NUR. KZ ءتىلشىسى حابارلايدى.
دەپۋتات استاناعا پرەزيدەنت ەسىمىنىڭ بەرىلۋى ورىندى دەپ ءجۇر.
«كىم نە ايتسا دا استاناعا قاتىستى مەن ءوز پىكىرىمدە قالامىن. ويتكەنى، ەل استانانىڭ تاريحىن ءبىلۋ كەرەك»، - دەيدى دەپۋتات قۋانىش سۇلتانوۆ.
قوعام قايراتكەرى امانگەلدى ايتالى دەپۋتات ماقتاۋىنىڭ مادەنيەتسىز تابىنۋ ەكەنىن ايتىپ، سىناۋدى بىلمەيتىن ادامداردىڭ ماقتاۋعا دا حاقىسى جوق دەپ سىناپ تاستاعان بولاتىن.
قۋانىش سۇلتانوۆ بۇل پىكىرلەردى وزىنە جاسالعان قيانات سانايدى.
«مەن ول امانگەلدىنىڭ پىكىرىنە ەشتەڭە دە ايتپايمىن. ايتاتىن اڭگىمەنى سول كىسىدەن سۇراڭىز. ونىڭ سوزدەرى ماعان جاسالعان ۇلكەن قيانات»، - دەيدى سۇلتانوۆ.
دەپۋتات بۇل جاعداي كوڭىلىنە كەلسە دە سوتقا جۇگىنبەيتىنىن ايتتى.
