قىتايدا ديماشتىڭ تۋعان كۇنىنە ارنالعان كەش ءوتىپ جاتىر - كەسكىن

استانا. قازاقپارات - قىتاي استاناسى بەيجىڭ قالاسىندا قازاقستاندىق ءانشى ديماش قۇدايبەرگەننىڭ قىتايلىق جانكۇيەرلەرگە ارنالعان «توسىن سىيعا تولى تۋعان كۇن» اتتى ءان كەشى وتۋدە، دەپ حابارلايدى قازاقپارات ءتىلشىسى.

ديماشتىڭ تۋعان كۇن كەشىنە جينالعان جانكۇيەرلەر جاس تالانتتىڭ اندەرىنەن سۋسىنداپ، ونىڭ دوپ تەبۋدەگى شەبەرلىگىنە ءتانتى بولدى. ايتا كەتەيىك، ديماش بۇعان دەيىن قىتاي تىلشىلەرىنىڭ: «باسقا قانداي ونەرلەرىڭىز بار؟»، - دەگەن سۇراعىنا، «ءالى كوپ، الدا كورە جاتارسىزدار»، - دەگەن بولاتىن.

ەسكە سالا كەتەيىك، قىتايدىڭ «Singer-2017» ءان باسەكەسىنە قاتىسىپ، الەمگە تانىمال بولعان ديماش قۇدايبەرگەن 24 -مامىر كۇنى 23 جاسقا تولدى. وعان الەمنىڭ جەر-جەرىندەگى جانكۇيەرلەرىنەن باسقا، تانىمال امەريكالىق اكتريسا ەۆا لونگوريا جانە فرانسيالىق ايگىلى ءانشى لارا فابيان سىندى بەلگىلى تۇلعالار قۇتتىقتاۋلارىن جولدادى.

اۆتور: مۇحتار قاليموللا ۇلى