اسەت يسەكەشەۆ ءابۋ- دابي قالاسىنىڭ مەرىمەن كەزدەستى

استانا. قازاقپارات - ءابۋ- دابي قالاسىنىڭ ءمەرى باستاعان ءب ا ءا دەلەگاتسياسىنىڭ رەسمي ساپارىنىڭ باعدارلاماسىندا قازاقستاندىق- ەميراتتىق بيزنەس فورۋم مەن استانا قالاسى اكىمى اسەت يسەكەشەۆ پەن ءابۋ- دابي قالاسىنىڭ ءمەرى اۋايد مۋرشەد ال- مارارمەن كەزدەسۋ قاراستىرىلعان.

 فورۋمدا استانا قالاسىنىڭ ينۆەستيتسيالىق مۇمكىندىكتەرى مەن جوبالارى ۇسىنىلدى. استانا مەن ءابۋ- دابي قالالارىنىڭ باسشىلارى ءوزارا تۇسىنىستىك جانە ىنتىماقتاستىق جونىندەگى مەموراندۋمعا قول قويدى. تاراپتار ءوز مۇمكىندىكتەرىن بىرلەسە جۇزەگە اسىرۋ، سونىمەن قاتار جاڭا جوبالاردى ىسكە اسىرۋ اياسىندا ايماقارالىق ارىپتەستىكتى دامىتۋ ماسەلەلەرىن تالقىلادى. ايتا كەتەيىك، قازاقستان مەن بىرىككەن اراب امىرلىكتەرى مەملەكەتتەرىنىڭ باسشىلارى اراسىنداعى كەلىسىمگە سايكەس استانا قالاسىندا «ءابۋ- دابي پلازا» جوباسى جۇزەگە اسىرىلۋدا. وندا ارابتار تاراپىنان 1,7 ميلليارد ا ق ش دوللارى كولەمىندە تىكەلەي ينۆەستيتسيا تارتىلعان. كەزدەسۋدە سونداي- اق تۋريزم سالاسىنا، جىلجىمايتىن مۇلىك، دەنساۋلىق، ءبىلىم، سپورت، قالا قاۋىپسىزدىگى، «اقىلدى» تەحنولوگيا جانە وزگە دە سالالارعا ينۆەستيتسيا قۇيۋ جوسپارلارى تالقىلاندى. «ەكى استانا اراسىنداعى ءوزارا تۇسىنىستىك تۋرالى مەموراندۋم سەرىكتەستەر رەتىندە سىندارلى ديلوگتى كەزەڭ- كەزەڭىمەن دامىتۋعا نەگىز سالادى. بۇل ءوز كەزەگىندە باۋىرلاس قارىم- قاتىناستاردىڭ ورناۋىنا ىقپال ەتپەك، - دەدى ەلوردا اكىمى.

 كەزدەسۋ قورتىندىسى بويىنشا ەكى تاراپ بىرلەسىپ اتقارىلاتىن جۇمىستاردىڭ جوسپارىن بەكىتتى.