قازاقستاندىق جۋرناليست كىتاپقۇمار پەتەربورلىقتارعا ءتانتى بولدى - فوتو
بۇل تۋرالى ول Facebook جەلىسىندە جازدى. ونىڭ ايتۋىنشا، بۇل قالاعا كەلگەن جاننىڭ ادەبي اتموسفەرانى سەزىنبەۋى مۇمكىن ەمەس. قالا تۇرعىندارى قايدا جۇرسە دە وزىمەن بىرگە كىتاپ الىپ جۇرەدى ەكەن.
«وسىعان دەيىن پيتەر تۇرعىندارىنىڭ كىتاپتى كوپ وقيتىنى تۋرالى اڭىزدى تالاي ەستىدىك قوي. ءبىراق كوزبەن كورگەننىڭ اسەرى باسقا ەكەن. مەترو، اۆتوبۋس، قوعامدىق ورىندار، ەڭ اياعى كافە- مەيرامحانالارىنداعى ادامدارىنا دەيىن قولدارىنداعى كىتاپقا ءۇڭىلىپ وتىرعانىن كورەسىڭ. مىنانداي ورتادا ءجۇرىپ، كىتاپتى جاقسى كورمەۋ مۇمكىن ەمەس شىعار. جاس دەمەيدى، كارى دەمەيدى، بارلىعىنىڭ قولىنان كىتاپ تۇسپەيدى. جانە نە كوپ، كىتاپ دۇكەنى كوپ. ايجان ەكەۋمىز تاڭەرتەڭ مۋزەيگە نەمەسە وزگە دە كورۋىمىز ءتيىس جەرلەردى جوسپارلاپ قوناقۇيدەن شىعامىز، ءبىراق جولدان كىتاپ دۇكەنى كەزدەسسە، ىشىنە كىرىپ اينالشىقتاپ شىعا الماي قالامىز. ايتۋىنشا، ءتىپتى كافە- مەيرامحانالار دا جازۋشىلاردىڭ اتىمەن اتالادى ەكەن. «(...) دۇكەندەرىنىڭ ءىشى كىرسەڭ شىققىسىز، كوزدىڭ جاۋىن الارداي اسەم. وزگە الەمگە ءتۇسىپ كەتكەندەي بولاسىڭ. ال سىرتى كىرمەسىڭە قويماي، كوزىڭدى ارباپ تۇرادى. ەڭ اياعى كافە- رەستوراندارى دا جازۋشىلارىنىڭ اتىمەن اتالادى. اناۋ ءبىر سۋرەتتەگى فوتو كەزىندە پۋشكين ايالداعان كافە. اتاقتى اقىن وتىرعان ورىندىققا ونىڭ ءمۇسىنىن ورناتىپ، "ليتەراتۋرنوە كافەگە" اينالدىرىپ قويعان»، - دەپ جازدى جۋرناليست.
مارفۋعا شاپيان سوڭىندا ءوزىنىڭ قىزىعىپ جۇرگەن كىتاپحاناسى جايلى وقيعانى باياندادى. «ايتپاقشى، ەرميتاجدى ارالاپ ءجۇرىپ، ءبىر تاماشا بولمەگە تاپ بولدىق. ءوزىم ينتەرنەتتەن كورىپ، كىتاپتارىنا قىزىعىپ جۇرگەن ءبىر سۋرەت بولاتىن. وعان قاراپ، بولاشاقتا ءۇيىم بولسا، ءبىر بولمەسىن وسىنداي كىتاپحاناعا اينالدىرسام عوي دەپ ارمانداپ قوياتىنمىن. اقىرى نە كەرەك، سول فوتوداعى كىتاپحانا ەرميتاجدا الدىمنان شىعادى عوي. سويتسەك، ول IIنيكولاي پاتشانىڭ كىتاپحاناسى ەكەن عوي! كەرەمەت ەندى!»، - دەپ جازدى جۋرناليست. سوڭىندا بلوگەر وقىمىستى قالا تۇرعىندارىنىڭ سۋرەتىن جاريالادى.
