ءتورت دۇركىن وليمپيادا چەمپيونى اتانعان ارۋ ءوزىنىڭ ەكىنشى جارتىسىن تابۋ ءۇشىن تىرجالاڭاش شەشىنىپ تاستادى - فوتو
بۇل تۋرالى Sportnieuws.nl حابارلايدى.
كارەراسىن 2007-جىلى اياقتاعان 43 جاستاعى سپورتشى ءوزىنىڭ ەكىنشى جارتىسىن تەلەارنا ارقىلى ىزدەپ كورىپتى. باعدارلاما كەيىپكەرى بەيتانىس ەركەكتەرمەن تروپيكالىق ارالدا بىرگە ۋاقىت وتكىزۋى ءتيىس.
سولاردىڭ اراسىنان ول ءوزىنىڭ سۇيىكتى ادامىن تاۋىپ قالۋى مۇمكىن. شارت بويىنشا قاتىسۋشىلار جوباعا تۇگەلدەي شەشىنىپ ءتۇسۋى ءتيىس. بۇل جاعداي دا وليمپيادا چەمپيونىن الاڭداتپاعان سىڭايلى.
ونىڭ سوزىنشە تەلەارنا ارقىلى تىرجالاڭاش بەينەسىن كورسەتۋگە قىمسىنبايدى ەكەن. ول سپورتتان كەتكەننەن كەيىن ايەلدەر ىشكيىمدەرىن جارنامالاپ مودەل دە بولعان ەدى.
ينگي دە بريۋيننىڭ بۇل جوباعا قاتىسۋىن نيدەرلاندىدا قىزۋ تالقىلاپ جاتىر. كوپتەگەن كورەرمەندەر ونىڭ دەنە بىتىمىنە تاڭداي قاقسا، ەندى ءبىرازى سىنعا العان.
سپورتشى 1973-جىلى بارەندرەحت قالاسىندا تۋعان. 50 جانە 100 مەترگە ەركىن ادىسپەن جۇزۋدەن ءۇش رەت الەم رەكوردىن ورناتسا، 100 مەترگە باتتەرفلياي ادىسىمەن جۇزۋدە دە الدىنا جان سالماعان.
