قازاقستان مەن وزبەكستان اراسىندا قاتىنايتىن پويىزدارعا بيلەتتەر ارزاندايدى

استانا. قازاقپارات - «جولاۋشىلار تاسىمالى» ا ق حالىقتىڭ سۇرانىسىن قاناعاتتاندىرۋ ماقساتىندا بيلەتتى ساتىپ الۋ مەرزىمىنە قاراي قازاقستان مەن وزبەكستان اراسىندا تىكەلەي قاتىنايتىن جانە وزبەكستاننان رەسەيگە قازاقستان ارقىلى جۇرەتىن پويىزدارعا جەڭىلدىكتەر ەنگىزىلەتىنىن حابارلايدى.

اتالعان جەڭىلىدكتەر 2017-جىلدىڭ 27- مامىرى مەن 28- جەلتوقسانىنا دەيىن تومەندەگىدەي كولەمدە قاراستىرىلعان؛

كۋپە جانە سۆ ۆاگوندار ءۇشىن:

پويىزدىڭ جۇرۋىنەن 45 تاۋلىكتەن 31 تاۋلىك بۇرىن ساتىپ السا 45 پايىز جەڭىلدىك.

پويىزدىڭ جۇرۋىنەن 30 تاۋلىكتەن 6 تاۋلىككە دەيىن ساتىپ السا 35 پايىز جەڭىلدىك.

پلاتسكارت ۆاگوندار ءۇشىن:

پويىزدىڭ جۇرۋىنەن 45 تاۋلىكتەن 31 تاۋلىك بۇرىن ساتىپ السا 35 پايىز جەڭىلدىك.

پويىزدىڭ جۇرۋىنەن 30 تاۋلىكتەن 6 تاۋلىككە دەيىن ساتىپ السا 25 پايىز جەڭىلدىك. «بۇل جەڭىلدىكتەر ءبىر مەملەكەت ىشىندەگى باعىتتاردا جانە ءبىر توپ جولاۋشىلار بىرگە بيلەت العان جاعدايدا قولدانىلمايدى»، - دەلىنگەن حابارلامادا.