08:02, 24 - مامىر 2017 | GMT +5
دۇنيەجۇزىلىك دەنساۋلىق ساقتاۋ ۇيىمىنا جاڭا باسشى سايلاندى
استانا. قازاقپارات - دۇنيەجۇزىلىك دەنساۋلىق ساقتاۋ ۇيىمىنىڭ ديرەكتورى بولىپ ەفيوپيانىڭ بۇرىنعى دەنساۋلىق ساقتاۋ ءمينيسترى تەدروس ادانوم گەبرەيسۋس سايلاندى.
بۇل تۋرالى رەسەيلىك ت ا س س اگەنتتىگى حابارلادى.
جەنيەۆادا وتكەن بۇكىل الەمدىك دەنساۋلىق ساقتاۋ اسسامبلەياسىنىڭ 70- وتىرىسىندا وسىنداي شەشىم قابىلداندى.
«ەفيوپيا وكىلى سايلاندى»، - دەپ مالىمدەدى داۋىس بەرۋ راسىمىنەن حاباردار ادام. تىلشىلەرگە اتىن جاريا ەتپەۋدى سۇراعان ادامنىڭ ايتۋىنشا، گەبرەيسۋسكە 133 داۋىس بەرىلگەن، وعان 50 دەلەگات قانا قارسى بولعان.
