قايرات نۇرتاستىڭ كەلىنشەگى جاقىندا بار شىندىقتى جاريالايتىنىن ايتتى
جۇلدىز كوپ جاعدايدا قايرات نۇرتاس وتباسىمەن تۇسىرگەن «قالىڭدىق» فيلمىنىڭ جارناماسىن جاساپ وتىرادى. ول ءوزى دە سول فيلمگە تۇسكەنىن، ءتۇسىرۋ جۇمىستارى اياقتالعانىن حابارلاعان.
قازىرگە جەلى قولدانۋشىلارىنا «قالىڭدىق» فيلمى ەل نازارىنا ۇسىنىلعاننان كەيىن، ءوزى جۇرتتى تولعاندىرعان بارلىق سۇراقتارعا جاۋاپ بەرۋگە ۋادە بەردى.
بۇگىنگى جازباسىندا جۇلدىز بىلاي دەگەن:
«ماسەلە ەلدى شۋلاتىپ اتاق شىعارۋ ەمەس. ايەل ادامنىڭ باستى مىندەتى وتباسىن ساقتاپ، سانالى ۇرپاق ءوسىرۋ. «پرايم پلازاداعى» وقيعا ەستەرىڭىزدە بولار سودان كەيىن باسىمىزدان كوپ جاعدايدار ءوتتى. ارينە جۇرت ونى بىلمەيدى. از قالدى شىداڭىزدار اللا قالاسا فيلمنەن كەيىن بارلىق شىندىقتى بىلەتىن بولاسىزدار! سەبەبىن اشىپ جاريالايمىز!» ، - دەپ جازعان جۇلدىز ابدۋكاريموۆا جەلىدەگى پاراقشاسىندا.
كوپشىلىك جازباعا قاراپ مۇنى جۇلدىزدىڭ ەنەسى، ياعني بەلگىلى پروديۋسەر گۇلزيرا ايداربەكوۆا جاساپ وتىر دەگەن.
«وتە سابىرلى كەلىنشەك ەكەن» ، «ناعىز شىمكەنتتىڭ تاربيەسىندەگى كەلىن» ، «وسى سوزدەردى ءوزىڭ جازعان بولسا، ەنەڭنىڭ سوزدەرىن اينىتپاي قايتالايتىن كەلىن بولىپسىڭ» ، «بۇل جۇلدىز ەمەس، ەنەسى» دەگەن سىندى الۋان ءتۇرلى پىكىرلەر جازىلعان.
جۇلدىزدىڭ اتىنا اشىلعان بۇل پاراقشانىڭ جۇمىس ىستەپ جاتقانىنا جارتى اي بولدى. سول ۋاقىتتاردىڭ بارلىعىندا قايراتتىڭ قايدا باراتىندارى جايلى ناقتى ءارى شىندىققا ساي اقپارات سالىنعان. سوندىقتان جۇرت بۇل پاراقشانى «جۇلدىزدىڭ ءوزى فيلمنىڭ جارناماسىن جاساۋ ءۇشىن نەمەسە ەنەسى سول ماقساتتا اشقان» دەپ بولجاۋدا.
