ديماشقا قولداۋ كورسەتۋدى قىتايدىڭ مادەني اگرەسسياسى دەيتىندەر بار - ق ح ر ەلشىسى
«جاقىندا مەن ءبىر گازەتتەن ديماشتىڭ قىتايعا وسىنداي جەتىستىككە جەتكەنىن جانە ونى بارلىعى جاقسى قارسى الىپ جاتقانىن قىتايدىڭ قازاقستانعا دەگەن مادەني اگرەسسياسى دەپ جازعانىن كوزىم شالدى. سىزدەر ماعان مۇندا لوگيكانىڭ قايدا ەكەنىن ءتۇسىندىرىپ بەرە الاسىزدار ما؟ مۇنى قالاي اتاۋعا بولاتىنىن دا بىلمەيمىن، بۇل، ارينە، بۇزاقىلىق. بۇل تەك قاراپايىم ادامدار اراسىنداعى مادەنيەت الماسۋ»، - دەدى جاڭ حانحۋەي.
ق ح ر ەلشىسىنىڭ ايتۋىنشا، قىتايدا قازاقستاندىق ارتىستەر وتە تانىمال ءارى ق ح ر ۇكىمەتى وسى مادەني الماسۋدى قولدايدى.
«مىنە، ديماش جالعىز ءجۇرىپ قىتاي تەرريتورياسىندا وسىنداي جەتىستىككە جەتىپ وتىر، ال ەگەر اكتەرلەر كوپ بولسا، سىزدەر قىتايدا ۇنامدى بولىپ، ءوز مۇددەلەرىڭىزدى دامىتا الاسىزدار، اكتەرلەردەن قۇرىلعان توپتارىڭىزدى قازاقستاندىق مادەني باعدارلاماسىمەن جىبەرسەڭىزدەر بولادى، سوندا ءبىز مۇنى قازاقستاننىڭ قىتايعا كورسەتىپ جاتقان مادەني اگرەسسياسى دەپ ەسەپتەمەيمىز»، - دەيدى جاڭ حانحۋەي.
ەسكە سالا كەتەيىك، ديماش قۇدايبەرگەن 21- مامىردا كونسەرت بەرۋ ءۇشىن شاڭحاي قالاسىنا بارعان بولاتىن.
