باياناۋىل ۇلتتىق ساياباعىنىڭ تاريحي ورىندارى بويىنشا تۋريستىك كارتا جاسالدى - فوتو
باياناۋىلدىڭ الەمگە تانىلۋىنىڭ سەبەبىن ءوز كوزدەرىمەن كورىپ قايتۋ ءۇشىن پاۆلودار وبلىسىنا پاۆلوداردان، استانادان، وسكەمەن مەن بارناۋىلدان كۆادروتسيكلمەن ەكسترەمالدى تۋريزمدى ۇناتاتىندار جينالدى. ولاردىڭ بارلىعى كۆادروتسيكلدارمەن، قاردا جۇرەتىن كولىكتەرمەن ساياحاتتاۋشىلار كلۋبتارىندا تىركەلگەن جانە قازاقستان مەن رەسەيدىڭ كوپتەگەن قىزىقتى ورىندارىندا بولعان.
كۆادروتسيكلشىلار پاۆلودارلىقتارمەن بىرگە قازاق كينوسىنىڭ نەگىزىن قالاعان شاكەن ايمانوۆتىڭ تۋعان جەرىنە، شونا بي مەن اقىن سۇلتانماحمۇت تورايعىروۆتىڭ قىستاقتارىنا، سونداي- اق اتى اڭىزعا اينالعان كەمپىرتاس جارتاسىنا باردى.
ساياحات مادەنيەت قىزمەتكەرلەرى كۇنىنە ارنالدى. سوندىقتان وعان پاۆلودار وبلىسىنىڭ اكىمى بولات باقاۋوۆ تا قاتىستى.
ەكسپەديتسيا تورايعىر اۋىلىندا دا بولدى. مۇندا قازاقستانداعى ەنەرگەتيكالىق عىلىمنىڭ نەگىزىن قالاۋشى شافيك شوكين دۇنيەگە كەلگەن. شوكين - تەحنيكالىق عىلىمدار دوكتورى، پروفەسسور، قاز ك س ر عىلىم اكادەمياسىنىڭ اكادەميگى.
قوناقتار جاسىباي كولىندەگى ابىلايحان ورداسىنا باردى. ەكسپەديتسيادان ودان ءارى 1915 -جىلى باياناۋىل اۋدانىندا تۋعان اكادەميك ەرماحان بەكماحانوۆتىڭ تۋعان جەرىنە اتتاندى. بەكماحانوۆ - بەلگىلى عالىم- تاريحشى، قازاقستاننىڭ تاريحي عىلىمدارىنىڭ تۇڭعىش دوكتورى، پروفەسسور، اكادەميك.
جاسىباي كولىنىڭ ورتالىق جاعاجايىندا ەكسپەديتسيا قاتىسۋشىلارىنا جازعى ماۋسىمدا ۇيىمداستىرىلاتىن سپورتتىق جانە وزگە دە شارالار جايىندا اڭگىمەلەندى. ول جەردەن قوناقتار جوڭعارلارعا قارسى شايقاسقان، اتى اڭىزعا اينالعان قازاق باتىرى جاسىبايدىڭ بەيىت باسىنا باردى.
ساياحات سابىندىكول III قورىمى جانىندا اياقتالدى.
ەكسپەديتسيا مارشرۋتى بويىنشا تۋريستىك كارتا جاسالدى. ەندىگىدە بارلىق نيەت بىلدىرۋشىلەر باياناۋىل اۋدانىنىڭ تاريحي، ارحەولوگيالىق ورىندارىنا جاياۋ جانە ات ۇستىندە ساياحاتقا شىعا الادى.
