شاڭحاي ىنتىماقتاستىق ۇيىمىندا تۇڭعىش جاستار پىكىرسايىسى ءوتتى - فوتو
وعان ش ى ۇ- عا مۇشە مەملەكەتتەردەن ستۋدەنتتەر قاتىستى، دەپ حابارلايدى «قازاقپارات» حاا- نىڭ قىتايداعى مەنشىكتى ءتىلشىسى. بەيجىڭدە ج و و- دا وقيتىن ش ى ۇ- عا مۇشە مەملەكەتتەردىڭ بەلسەندى ستۋدەنتتەرى تۇڭعىش رەت قازىرگى جاستار ءۇشىن وزەكتى تاقىرىپتاردى ورتاعا سالدى.
ولار «تەلەديدار جاس ۇرپاقتىڭ تاربيەسىنە قالاي ىقپال ەتەدى؟ اقىلى نەمەسە تەگىن جوعارى ءبىلىم: قايسى ءتيىمدى؟ ش ى ۇ كەڭىستىگىندە تۇلەكتەردى جۇمىسقا ورنالاستىرۋدىڭ كەپىلدىگىن قالاي قامتاماسىز ەتۋگە بولادى؟ ەرتە نەكەگە وتىرۋ: قوعام مەن مەملەكەت ءۇشىن يگى ءىس پە الدە پروبلەما ما؟» دەگەن باسقا دا وزەكتى ماسەلەلەر اياسىندا پىكىر جارىستىردى. 
تۇڭعىش جاستار پىكىرسايىسىنىڭ جەڭىمپازدارى سان يي (قىتاي)، شۋ حان (قىتاي)، م. حامراليەۆ (تاجىكستان)، ا. ساتتوروۆ (تاجىكستان)، د. وتەگەنوۆا (قازاقستان) اتاندى.
سوزدەن ءتۇيىن تۇيگەن شەشەن ستۋدەنتتەرگە ۇيىمداستىرۋشىلار اتىنان گراموتالار تابىستالدى. شارا الدىندا ش ى ۇ باس حاتشىسى ر. اليموۆ پەن ق ح ر- داعى ق ر ەلشىسى ش. نۇرىشەۆتىڭ كەزدەسۋى ءوتتى. كەزدەسۋدە تاراپتار ش ى ۇ- نىڭ استانا سامميتىنە دايىندىق بارىسىن تالقىلادى.
