عالىمجان جولداسباي: اجەلەرىمىزدىڭ جاس كورىنگەنى جاقسى ەمەس
بۇل تۋرالى «ايەل باقىتى» باعدارلاماسىندا ايتىلدى.
ەلۋدى ەڭسەرىپ، الپىستى القىمداعان اتا- اجەلەرىمىز سپورتتىق كولىكتەردى وڭاي جۇرگىزىپ، ءتۇرلى ويىن ويناپ، ناعىز جۇلدىزدار سەكىلدى ءان دە ايتادى. ياعني ءومىرىن 50 جاستان كەيىن دە وزگەرتۋگە تالپىنعاندار از ەمەس. ونىڭ جارقىن مىسالى رەتىندە بريدجەت ماكروندى الساق بولادى. ول - جۋىردا عانا سايلانعان فرانسيا پرەزيدەنتىنىڭ ايەلى. مۇنداي زاماناۋي اجەلەر مەن ەنەلەر قازاقستاندا دا بارشىلىق. ءداستۇرلى ءانشى عالىمجان جولداسباي زاماناۋي اجەلەرگە قاتىستى پىكىرىن ءبولىستى.
«كەلىنشەگىمنىڭ اۋىلىنا بارىپ تۇرامىز. ەنەم باسىنا ورامالىن تاعىپ جۇرەدى. ءبىراق، زاماناۋي كيىمدەر كيەدى. بەس ۋاقىت ناماز وقىسا دا، بۇركەنىپ المايدى. ادەمىلەپ ورامالىن تاعادى. ءبىر سوزبەن ەنەمدى وسىلاي سيپاتتايمىن. ال تىرناعىنا، كوزى مەن ەرنىنە قارامايدى ەكەنمىن. كوپكە توپىراق شاشقىم كەلمەيدى. ءبىراق تالاي جەردەن ءتۇرلى ەنە كورىپ ءجۇرمىن. اراسىندا جىرتىق دجينسى شالبار كيىپ جۇرگەندەرى دە كەزدەسكەن. كەيدە قىزى مەن اناسىن ايىرا الماي جاتاسىڭ. ايەلدىڭ جاس كورىنگەنى جاقسى ەمەس. «قىزىل شوعىڭ كوپ بولار، سۋدىڭ سۇراۋى ءبىر كۇنى جوق بولار، كارى قاتىن قىز بولار، ونىڭ كوڭىلى مۇز بولار» دەگەن ءسوز بار. ياعني قازىر كىمنىڭ اجە، كىمنىڭ قىز بولىپ جاتقانىن بىلمەيمىز»، - دەيدى عالىمجان جولداسباي.
ال قازاقستاندىق اجە زامان اعىمىنا ساي دامۋ قاجەت ەكەنىن ايتىپ جاتىر.
«قازىر ەنەلەرىمىز - كەڭەس ۇكىمەتى كەزىندەگى جاستار. ءبىز سول كەزدە 50 جاستاعى ايەلدى ۇلكەن كىسى دەپ ويلايتىنبىز» - دەيدى ول.
