10:23, 24 - مامىر 2017 | GMT +5
ساۋد ارابياسىندا اپتاپ ىستىقتا ءشول قىسقان جىلان ادام قولىنان سۋ ءىشتى
استانا. قازاقپارات - ساۋد ارابياسىندا تۇرعىندار اپتاپ ىستىقتا ءشول قىسقان جىلانعا بوتەلكەمەن سۋ بەرگەن، دەپ جازادى Daily Mail باسىلىمى.
ۆيدەودا جىلان كادردان تىس ادام ۇسىنعان بوتەلكەدەگى سۋدى قۇشىرلانا ءىشىپ جاتقاندىعى بايقالادى.
بوتەلكەدەگى سۋ تاۋسىلعان كەزدە باۋىرىمەن جورعالاۋشى ءوز جونىمەن كەتە بارعان. باسىلىمنىڭ حابارلاۋىنشا، رۋب- ەل- حالي شولىندە سول ساتتە اۋا تەمپەراتۋراسى شامامەن 40-50 گرادۋسقا جەتكەن. بۇعان دەيىن وسىعان ۇقساس وقيعا ءۇندىستاندا بولعان. مۇندا ابدەن شولىركەگەن كوبرا سۋ ىزدەپ، ەلدى مەكەنگە كەلگەن.
