قازاق ەلىنە تاعى ءبىر جەڭىس سىيلايمىز - قانات يسلام - كەسكىن
«اسسالاۋماعالەيكۋم، قازاق ەلى! جارىسقا تاعى ءبىر اپتا قالدى. اللا جازسا، قازاق ەلىنە تاعى ءبىر جەڭىس سىيلايمىز دەپ ويلايمىن. ارتىمىزدا حالقىمىز، جۇرتىمىز بار. سول حالقىمىزدىڭ ءۇمىتىن اقتايمىز دەپ ويلايمىن. تاقىمدارىڭىزدى قىسىپ، جانكۇيەر بولىپ وتىرعاندارىڭىزعا راقمەت! قازاق ەلىندە، قازاقستاندا جەڭىستى كۇندەر كوپ بولسىن!»، - دەيدى قانات يسلام.
قازاقستاندىق بوكسشى جانقوش تۇراروۆ تا ءوز لەبىزىن جەتكىزدى. «ءبارى دۇرىس، ءبارى جاقسى. جاتتىعۋلاردى باستاپ جاتىرمىز. الداعى كەزدەسۋگە دايىنبىز»، - دەيدى تۇراروۆ.
باسپا ءسوز ءماسليحاتىنا ارنالعان ۆيدەودان بولەك قانات يسلامنىڭ دايىندىعى تۋرالى بەينەبايان جاريالاندى.
ايتا كەتەيىك، يسلام - گونسالەس جەكپە-جەگى 26 مامىردا بوكا-راتوندا (ا ق ش، فلوريدا شتاتى) وتەدى.
اتالعان جەكپە-جەكتە ءبىرىنشى ورتا سالماقتاعى WBO NABA جانە WBA Intercontinental تيتۋلى ساراپقا سالىنادى.
27- مامىردا تاڭەرتەڭ «قازاقستان» تەلەارناسى قانات يسلامنىڭ جەكپە-جەگىن تىكەلەي ەفيردەن كورسەتەدى. سونداي-اق بۇل كەشتە قازاقستاندىق جانقوش تۇراروۆ تا (20-0, 14 ك و) رينگكە شىعادى. ونىڭ قارسىلاسى مەكسيكالىق گۋستاۆو گاريباي (13-8-2, 5 ك و).
