قانات يسلامنىڭ ا ق ش- تاعى جەكپە-جەگىنە ساتىلاتىن بيلەتتىڭ باعاسى جاريا ەتىلدى

استانا. قازاقپارات - قازاقستاندىق بوكسشى قانات يسلام مەن جانقوش تۇراروۆ 26- مامىردا ا ق ش- تىڭ فلوريدا قالاسىندا جەكپە-جەكتەرىن وتكىزەدى، دەپ حابارلايدى Sports.kz.

ءبىرىنشى ورتا سالماقتا WBO Intercontinental جانە WBA Fedelatin بەلبەۋلەرىنىڭ يەگەرى قازاقستاندىق كاسىپقوي بوكسشى قانات يسلامنىڭ (WBO NABA جانە WBA Intercontinental) قارسىلاسى مەكسيكالىق نوربەرتو گونسالەس بولادى، ال جانقوش تۇراروۆ جارتىلاي ورتا سالماق دارەجەسىندە مەكسيكالىق گۋستاۆو گاريبايمەن قولعاپ تۇيىستىرەدى.

«Boca Raton Hotel & Club» ويىن-ساۋىق ورتالىعىندا وتەتىن جەكپە-جەكتىڭ ەڭ ارزان بيلەتى 100 دوللار (31300 تەڭگە) تۇرادى. سونداي-اق شارادا $150 (46950 تەڭگە)، $200 (62600 تەڭگە) جانە $250 (78250 تەڭگە) تۇراتىن بيلەتتەر دە ساتىلادى.

ەسكە سالا كەتسەك، boxRec پورتالىنىڭ الەمدىك رەيتينگىندە نوربەرتو گونسالەس قاناتتان 9 ساتى جوعارى تۇر.