وسكەمەندىك وقۋشىلاردىڭ جوبالارى رەسەيدە وتكەن وليمپيادادا توپ جاردى
عىلىمي جوبالاردىڭ بيىل وتكەن «دارىن» رەسپۋبليكالىق كونكۋرسىنىڭ جەڭىمپازى 10- سىنىپ وقۋشىسى سايا ماراتوۆا بۇكىل رەسەيلىك وليمپيادادا دا توپ جاردى. ونىڭ «جەر - ءبىزدىڭ ورتاق ءۇيىمىز» سەكسياسىندا قويىلعان اكۆارۋيمعا ارنالعان فوتوبيورەاكتور جۇمىسى 1- ورىنعا لايىق دەپ تانىلدى.
عالىمدار وقۋشىعا بالىقتارعا وتتەگى جەتكىزەتىن گەنەراتوردى جەتىلدىرە تۇسۋگە كەڭەس بەردى. ال 11- سىنىپ وقۋشىسى دۋلات الداجاروۆ كوروليەۆ قالاسىنا شامداردى سۋىتاتىن رادياتوردىڭ مودەلىن اكەتكەن بولاتىن.
ونىڭ «ەلەكتر جارىعىن ۇنەمدەيتىن جارىق ديودتى قۇرىلعىلاردى جاساۋ جانە زەرتتەۋ» جوباسى جۇلدەلى ەكىنشى ورىنعا ىلىكتى.
«مەن وليمپياداعا «قۋات جانە ادام» سەكسياسىندا قاتىستىم. قازىلار جوبانىڭ قۇنى، ونىڭ ماڭىزدىلىعى تۋرالى سۇرادى. بەس مينۋتقا سوزىلعان اڭگىمەلەسۋدىڭ ءوزى مەن ءۇشىن وتە پايدالى بولدى. ماعان بۇل كەڭەستەر جوبامنىڭ تيىمدىلىگىن ارتتىرا تۇسۋگە كومەكتەسەدى دەپ سەنەمىن»، - دەيدى دۋلات.
مەكتەپتىڭ باسپا ءسوز حاتشىسى روزا قۇمارعاجينانىڭ ايتۋىنشا، XVIII بۇكىل رەسەيلىك وليمپيادانىڭ قورىتىندى كونفەرەنسياسى ماسكەۋ وبلىسىنىڭ كوروليەۆ قالاسىندا وتكەن.
رەسەي مەن قازاقستاننان 220 دان استام دارىندى وقۋشى باس قوسقان شارانىڭ شەڭبەرىندە زياتكەر وقۋشىلار جۇلدىزدى قالاشىقتاعى يۋ. گاگارين اتىنداعى كوسموناۆتيكانىڭ دايىنداۋ ورتالىعىندا «كوسموستىق زەرتحانا» باعدارلاماسى بويىنشا سەمينارعا قاتىسىپ، رەسەيدىڭ اسكەري-اۋە كۇشتەرى جانە «قۋات» كوسموناۆتيكا مۇراجايلارىن ارالادى.
