تايلاندتىق دارىگەرلەر ماي باسقان مايمىلدى قاتاڭ ديەتاعا وتىرعىزدى

استانا. قازاقپارات -  تايلاندتىڭ كوپ بولىگىندە جابايى مايمىلدار ەركىن سەرۋەندەپ جۇرەتىنى بەلگىلى. ولار ساياحاتشىلاردىڭ كوڭىلىن اۋلاسا، تۋريستەر دە ءوز كەزەگىندە ولارعا ءتۇرلى تاتتىلەر مەن تاعامدار بەرىپ، ولارمەن ويناعاندى قىزىق كورەدى.

وتكەن ايدا جەرگىلىكتى الەۋمەتتىك جەلىلەردە ماي باسىپ، سەمىرىپ العان ماكاكا مايمىلىنىڭ سۋرەتى پايدا بولعان ەدى. جەلى قولدانۋشىلارى وعان «سەمىز اعاي» دەپ لاقاپ ات تا قويىپ الىپتى. جەرگىلىكتى جانۋارلار جاناشىرلارى ونى تاۋىپ الىپ، قاتاڭ ديەتاعا وتىرعىزعان كورىنەدى.

بەلگىلى بولعانداي، ساياحاتشىلار بەرگەن فاستفۋد تاعامدارى مەن گازدالعان سۋسىندار ونى وسىنداي حالگە كەلتىرىپتى. ەگەر ساۋ ماكاكانىڭ سالماعى 9 كەلى تارتسا، «سەمىز اعايدىڭ» سالماعى 23 كەلىگە ءبىر- اق جەتكەن. حايۋاناتتار جاناشىرلارى ونى ازەر قولعا تۇسىرگەندەرىن ايتادى. بۇل مايمىلدىڭ جەكە ءۇيىرى بولعان ەكەن. قورعاۋشىلار ۇيىردەگى وعان «تاعام اكەلۋشى باعىنىشتىلارىن» تاياقپەن ۇرىپ، ماكاكانى زورعا ۇستاعان. «ساياحاتشىلار بەرگەن پايداسىز تاعامنان ونىڭ دەنەسىن ماي باسىپ، كەيىن ماي قاتەرسىز ىسىكتىڭ پايدا بولۋىنا اكەپ سوققان. قازىر ونىڭ جاعدايى اسا اۋىر دەپ باعالانىپ وتىر»، - دەيدى ۆەتەرينار.

www.24.kz