دونالد ترامپ ساۋد ارابياسىنىڭ جوعارى وردەنىمەن ماراپاتتالدى

ەر- ريادقا ساپارمەن كەلگەن ترامپقا وردەندى ساۋد ارابياسىنىڭ قازىرگى پاتشاسى سالمان يبن ابدەل ازيز ءال- ساۋد تابىس ەتتى.
ەر- ريادتا وتكەن كەلىسسوزدەر قورتىندىسى بويىنشا ساۋد ارابياسى ا ق ش- تان ءجۇز ميلليارد دوللاردان استام سومانىڭ قارۋ- جاراعىن ساتىپ الاتىنى تۋرالى كەلىسىمگە قول قويىلعان. اق ءۇيدىڭ مالىمدەۋىنشە، كەلىسىم «يران توندىرەتىن قاۋىپ- قاتەرگە» قارسى باعىتتالعان جانە ا ق ش- تىڭ وسى ايماق قاۋىپسىزدىگىنە بەيىل ەكەنىن پاش ەتەدى.
سونىمەن بىرگە 150 امەريكالىق Blackhawk تىكۇشاعىن ساۋد ارابياسىندا قۇراستىرۋ تۋرالى كەلىسىمگە دە قول قويىلادى دەپ جوسپارلانعان. ەكى تاراپ اۋە شابۋىلىنان قورعانۋ جۇيەسىن دامىتۋ سالاسىنداعى ارىپتەستىك تۋرالى كەلىسىم جاساسقان.
ترامپ ساۋد ارابياسىمەن قارىم- قاتىناستاردا ادام قۇقىعى ماسەلەلەرىنە ەمەس، تەرروريزممەن كۇرەسكە باسىمدىق بەرىپ، بۇل ەلمەن بايلانىستى جاقسارتۋعا ۇمىتتەنىپ وتىرعانى ايتىلادى.
ەر- ريادتان كەيىن ترامپ يزرايل، ۆاتيكان جانە بەلگياعا بارادى، ساپار سوڭىندا يتالياداعى «ۇلكەن جەتىلىك» سامميتىنە قاتىسادى دەپ جوسپارلانعان.
www.azattyq.org