وڭتۇستىك كورەياعا كەيبىر قازاقستاندىقتاردى كىرگىزبەۋدىڭ سەبەبى نەدە
دەپ حابارلايدى قازاقپارات ءتىلشىسى.
«ءيا، الماتى مەن تاشكەنتتەن بارعان ونداعان قازاقستان ازاماتىن وڭتۇستىك كورەياعا كىرگىزبەي قويدى. ءبىر قىزىعى، ولاردىڭ ۇشەۋى عانا سەۋل قالاسىنداعى ەلشىلىكتىڭ كومەگىنە جۇگىندى. قالعان ازاماتتار وزدەرىن نە ءۇشىن كىرگىزبەگەنىن بىلگەن بولۋى كەرەك»، - دەيدى جايناقوۆ.
ونىڭ ايتۋىنشا، قازاقستاندىق ديپلوماتتار شۇعىل تۇردە ينچحون اۋەجايىنىڭ يمميگراتسيالىق قىزمەتىنە حابارلاسىپ، ماسەلەنىڭ ءمان- جايىن بىلگەن ەدى. سول كەزدە ەلشىلىكتىڭ كومەگىنە جۇگىنگەن ءۇش ادامنىڭ ەكەۋى وڭتۇستىك كورەيادا زاڭسىز جۇرگەن بولىپ شىقتى. ءۇشىنشى ازامات تۋريستىك ماقساتىن دۇرىس كورسەتپەگەن. سول ۇشاقپەن كەلگەن قازاقستاننىڭ باسقا ازاماتتارى ەش كەدەرگىسىز تەكسەرۋدەن ءوتتى.
«قازاقستاننىڭ سىرتقى ىستەر ۆەدومستۆوسى وسى ماسەلە بويىنشا ۇنەمى كونسۋلتاتسيالار وتكىزىپ تۇرادى. وڭتۇستىك كورەيانىڭ ديپلوماتتارى دا ءتيىستى شارالاردى قولعا الامىز دەپ وتىر. دەگەنمەن، قازىرگى كەزدە قازاقستاندىقتاردى كەرى قايتارۋدىڭ ءبىر سەبەبى انىق، ۆيزاسىز رەجىم بويىنشا كەلەتىن كەيبىر ادامدار زاڭسىز جۇمىس ىستەۋدى كوزدەيدى. وكىنىشكە قاراي، وندايلاردىڭ كەسىرىنەن باسقا ازاماتتار قولايسىزدىقتارعا تاپ بولىپ جاتادى»، - دەپ اتاپ كورسەتتى جايناقوۆ.
اۆتور: ارمان اسقاروۆ
