10:10, 21 - مامىر 2017 | GMT +5
ناسا استروناۆتى عارىشتان تۇسىرىلگەن قازاقستانداعى كولدىڭ سۋرەتىنە ءسۇيسىندى
استانا. قازاقپارات - ناسا استروناۆتى روبەرت شەين كيمبرو قازاقستانداعى كولدىڭ عارىشتان تۇسىرىلگەن سۋرەتىنە ءسۇيسىندى.
«سۋرەتتى بىرنەشە اي بۇرىن @Space_Station-نان الدىم. قازاقستانداعى كولدىڭ اينالاسىنداعى تۇستەر ادەمى» ، - دەپ جازدى عارىشكەر تۋيتتەردەگى پاراقشاسىندا.
بۇعان دەيىن عالامتوردا الاكولدىڭ ەكى ءتۇرلى تۇستەگى سۋرەتى جاريالانعان ەدى. ول Copernicus Sentinel-2 جەرسەرىگىمەن تۇسىرىلگەن.
بالقاش- الاكول ويپاتىندا تاعى دا ەكى كول بار: قوشقاركول مەن ساسىقكول. بالقاش- الاكول جۇيەسى يۋنەسكو- نىڭ ايرىقشا تابيعات قورعاۋ اۋماعىنا جاتقىزىلادى، سەبەبى بۇل جەردە بۇيرا ءبىرقازاندار مەن قىزىل قوقيقازدار مەكەن ەتەدى.
ەسكە سالا كەتسەك، روبەرت شەين كيمبرو ەكى رەت عارىشقا ساپار شەككەن (STS-126 (2008) «ينديەۆور» شاتلىمەن) ، (سويۋز مس-02 زىمىرانىمەن (2016-2017) . ەكى رەت اشىق عارىشقا شىققان.
اۋدارما: جانىبەك امانگەلدى
