استانادا تاكسيلەرگە ارنايى جولاقتا جۇرۋگە رۇقسات ەتىلۋى مۇمكىن
ارمان ايتىبەكوۆتىڭ سوزىنە قاراعاندا، بۇگىندە ەلوردادا قاربالاس ۋاقىتتاردا ماڭگىلىك ەل، قابانباي باتىر كوشەلەرى مەن رەسپۋبليكا داڭعىلىندا كولىك قوزعالىسى قيىندايدى.
«بيىل جىلدىڭ باسىنان بەرى ەلورداداعى كوشەلەردىڭ جۇكتەمەسىنىڭ ارتۋى ماسەلەسى «اقىلدى» باعدارشامداردىڭ ەنگىزىلۋىمەن اۆتوماتتى تۇردە شەشىلۋدە. بۇل باعدارشامدار قوزعالىستى كولىك اعىنىنىڭ قارقىنىنا قاراي ءوزى رەتتەيدى» ، - دەدى ا. ايتىبەكوۆ.
جول جەلىسىنە تۇسەتىن سالماقتى ازايتۋدىڭ تاعى ءبىر شەشىمى اقىلى تۇراقتار جۇيەسىنىڭ ەنگىزىلۋى بولدى.
«قازىر ەلوردادا ولار ۆوكزال ماڭىنداعى الاڭدا، مينيسترلىكتەر ءۇيى، مەga Silk Way اۋماقتارىندا جاسالۋدا. اۆتوتۇراق ءۇشىن اقىنى پاركومات ارقىلى تولەۋگە بولادى. العاشقى 30 مينۋتقا اقى الىنبايدى. سوندىقتان ەندى بۇل ورىنداردا كولىك يەلەرى ماشينالارىن ۇزاق ۋاقىتقا قالدىرمايدى. اقىلى تۇراقتان تۇسەتىن بارلىق قاراجات قالانىڭ بيۋدجەتىنە كەتەدى» ، - دەپ اتاپ ءوتتى ارمان ايتىبەكوۆ.
