قىتايلار «ءتۇتىن دەگۋستاتورى» لاۋازىمىن بەكىتتى - فوتو

استانا. قازاقپارات - ​قىتاي «ءتۇتىن دەگۋستاتورى» دەگەن لاۋازىمعا قىزمەتكەرلەر قابىلداي باستادى.

مۇنداعى باستى ماقسات اۋانىڭ لاستانۋ دەڭگەيىن، لاستانۋ كوزدەرىن انىقتاۋ. اۋانىڭ لاستانۋ كوزدەرىن انىقتاۋ ءۇشىن ۋاقىت، كۇش- قۋات قاجەت. سول سەبەپتى دە ءيىس سەزۋ قابىلەتى جوعارى ادامداردىڭ كۇشىنە جۇگىنبەك.

بۇل قىزمەتكەرلەر جۇمىسقا قابىلدانعاننان كەيىن ارنايى بىلىكتىلىك ارتتىرۋ كۋرستارىنان وتەدى. جۇمىس ۋاقىتىندا بۇل ادامدارعا اشى دامدەۋىشتەر مەن تاتتىلەر جەۋگە، سونداي- اق پارفيۋمەريا پايدالانۋعا بولمايدى.

قىتاي قالالارىنىڭ اۋاسى اۆتوكولىك پەن ەلەكتر ستانتسيالارىنىڭ قالدىقتارىنان لاستانىپ جاتىر. ءتۇتىن قالا ۇستىندە تۇنىپ تۇراتىن دەڭگەيگە جەتكەن. ال ونىڭ قۇرامىنداعى زياندى زاتتار ادام اعزاسىن ۋلايدى.

دەرەككوز: www.caravan.kz