09:46, 20 - مامىر 2017 | GMT +5
ترامپتىڭ پرەزيدەنتتىك قىزمەتىنىڭ رەيتينگى انتيرەكورد ورناتتى
استانا. قازاقپارات - اعىمداعى اپتادا ا ق ش پرەزيدەنتى دونالد ترامپتىڭ رەيتينگى ۇلىقتاۋ ءراسىمى وتكەن 20 -قاڭتاردان بەرى ەڭ تومەنگى مەجەگە دەيىن ءتۇستى.

بۇل تۋرالى Reuters/Ipsos الەۋمەتتىك ساۋالناماسىنىڭ مالىمەتتەرىندە ايتىلۋدا. ر ي ا اگەنتتىگىنىڭ جازۋىنشا، ترامپ قىزمەتىنە كىرىسكەن ۋاقىتتا ونى ساۋالناماعا قاتىسقانداردىڭ 46 پايىزى قولداسا (قولداماعانى 44 پايىز)، جۇما كۇنى جاريالانعان زەرتتەۋ ناتيجەسى بويىنشا، پرەزيدەنتتىڭ قىزمەتىنە رەسپوندەنتتەردىڭ 38 پايىزىنىڭ عانا كوڭىلى تولىپ وتىر.
قارسى پىكىر بىلدىرگەندەر - 56,2 پايىز (5,8 پايىزى جاۋاپ بەرۋ كەزىندە ەكى ويلى بولدى). زەرتتەۋ اۆتورلارىنىڭ اتاپ وتۋىنشە، ترامپتىڭ رەيتينگىنىڭ قۇلدىراۋى ونىڭ ءوز پارتيالاستارى اراسىنداعى بەدەلىنىڭ تومەندەۋىنەن بولىپ وتىر. ەگەر وتكەن اپتادا ونىڭ قىزمەتىن رەسپۋبليكاشىلاردىڭ 16 پايىزى قولداماسا، قازىر - 23 پايىزى.