اتىراۋ وبلىسىندا ماحامبەت رۋحىنا تاعزىم ەتىلدى - فوتو
ماحامبەت وتەمىس ۇلىنىڭ پوەزياسى كۇنى يندەربور كەنتىنەن 40 شاقىرىم جەردە ورنالاسقان اقىننىڭ مازارىندا ۇيىمداستىرىلدى. اقىندى ەسكە الۋعا 500 گە جۋىق ادام كەلدى.
كەشكە شىعارماشىلىق زيالى قاۋىم وكىلدەرى، جازۋشى، اقىندار ءسابيت دوسانوۆ، اقۇشتاپ باقتىگەريەۆا، روللان سەيسەنبايەۆ، ەسەنعالي راۋشانوۆ، مەركە قۇلكەنوۆ، سەرىك تۇرعىنبەكوۆ، انەس ساراي قاتىستى.
قوناقتارعا اقىندى جەرلەۋ ورنىنا ەكسكۋرسسيا ۇيىمداستىرىلىپ، ەتنواۋىلدا مەرەكەلىك داستارقان جايىلدى. كەشتە ماحامبەت وتەمىس ۇلىنىڭ ولەڭدەرى وقىلىپ، كۇيلەرى تارتىلدى. جينالعاندارعا قازاق حالقىنىڭ باتىرى، وراق ءتىلدى اقىنىنىڭ ءومىرىن بەينەلەيتىن تەاترلاندىرىلعان كورىنىس كورسەتىلدى. اتىراۋ وبلىسىنىڭ اكىمى نۇرلان نوعايەۆ جيىندا ءسوز سويلەپ، اقىننىڭ ونەگەلى ءومىرى كەيىنگى ۇرپاققا ۇلگى بولا بەرەتىندىگىن، ونىڭ جاسىنداي جارقىلداعان جىر شۋماقتارى نامىستى قايراپ، ەلدىككە باستايتىنىن تىلگە تيەك ەتتى.
