جيىرما جىل بويى بيە ساۋىپ، قازاقتىڭ سالت-ءداستۇرىن ساقتاپ كەلەمىز - رەسەيلىك قازاق

استانا. قازاقپارات - ومبى قالاسى اكىمشىلىگىنىڭ قولداۋىمەن جىل سايىن ومبىلىق قازاقتار دوستىق قالاسى مەرەكەسى اياسىندا بيە بايلاپ، تەگىن ۇلتتىق تاعامدار تاراتادى.

قازاق ۇلتتىق- مادەني اۆتونومياسى پرەزيدەنتىنىڭ كومەكشىسى زاۋرەش اسانوۆانىڭ ايتۋىنشا، بۇگىنگى تاڭدا ومبى وبلىسىندا 100 مىڭنان استام قازاق تۇرادى، دەپ حابارلايدى pavlodarnews.kz.

وڭىرلىك قازاق ۇلتتىق مادەني اۆتونومياسىندا سەگىز قوعامدىق قازاق بىرلەستىگى بار. «قىمىزمۇرىندىق مەرەكەسىنە بيىل وسىمەن ءۇشىنشى جىل قاتىسىپ وتىرمىز. وزىمىزبەن بىرگە قىمىز الا كەلدىك. ءبىز دە ءوز جەرىمىزدە ۇيىمداستىرىلاتىن مەرەكەگە وراي التىباقان قۇرىپ، كيىز ءۇي تىگەمىز. بالالارعا انا ءتىلىمىز بەن سالت- ءداستۇرىمىزدى ۇيرەتەمىز.

اتا- ەنەم ءومىر بويى ۇلتتىق سالت- ءداستۇردى بەرىك ۇستانىپ كەلگەن. كەلىن بولىپ تۇسكەنىمە 20 جىل بولسا دا بيە ساۋۋدى توقتاتقان ەمەسپىن. ءتىپتى، كەيدە ليترىن 600 تەڭگەدەن ساۋداعا قويامىز»، - دەيدى زاۋرەش اسانوۆا.

رەسەيدە جۇمىس ىستەي باستاعان العاشقى ەتنو- مادەني بىرلەستىكتەردىڭ ءبىرى ومبى وبلىسىنىڭ قازاق ۇلتتىق- مادەني اۆتونومياسى 1999 -جىلى قۇرىلعان. ۇيىمنىڭ جانىنان «ومبى قازاقتارى» اتتى باسىلىم شىعادى.

ەسكە سالا كەتەيىك، قالالىق دەمالىس جانە مادەنيەت ساياباعىندا ءوتىپ جاتقان حالىقارالىق قىمىزمۇرىندىق مەرەكەسىنە اقمولا، قاراعاندى، الماتى وڭىرلەرى مەن رەسەي، قىرعىزستان ەلدەرىنىڭ دەلەگاتسياسى قاتىسۋدا.