قازاقستان رەسپۋبليكاسىنىڭ ەڭبەك سىڭىرگەن ادۆوكاتى قىز زورلاعانى ءۇشىن ايىپتالدى
بۇل تۋرالى Zakon.kz حابارلايدى.
2016-جىلدىڭ 21- قاراشاسىندا ساعات 17:00 شاماسىندا ب. حاسەنوۆ الداۋ جولىمەن م. ەسىمدى ازاماتشانى ءوز كولىگى ارقىلى زاتوبولسك ەلدى مەكەنىنە الىپ كەلەدى. ب. حاسەنوۆ وعان كۇش قولدانىپ، «444» كافەسىنە جاقىن جەردە، ءوز كولىگىنىڭ ىشىندە زورلايدى.
سوتتىڭ نەگىزگى ماسەلەلەرى قارالىپ جاتقان كەزدە، ايىپتالۋشى مەن زارداپ شەگۋشى ءبىر-ءبىرىنىڭ ۇستىنەن كەمسىتكەنى ءۇشىن دەگەن جەلەۋمەن ءبىر-ءبىرىن سوتقا بەرىپ ۇلگەردى.
«ايىپتالۋشى ءارى زارداپ شەگۋشى رەتىندە ب. حاسەنوۆ ءوز كىناسىن مويىنداعان جوق جانە ول كوزبە-كوز بەتتەستىرۋ كەزىندە، م. كەمسىتتى دەپ ايتتى. ايتۋىنشا م. ونىڭ ار-نامىسىنا ءسوز كەلتىرىپ، نەشە ءتۇرلى بەيادەپ سوزدەر ايتقان»، - دەيدى سوت.
سوت شەشىمىمەن حاسەنوۆ ءبارىبىر كىنالى دەپ تانىلىپ، وعان 30 ا ە ك كولەمىندە ايىپپۇل (63630)، ال زارداپ شەگۋشىگە 56725 تەڭگە ايىپپۇل سالىنادى. سونىمەن قاتار زارداپ شەگۋشىنىڭ پايداسىنا زاڭگەردەن 50 مىڭ تەڭگە ءوندىرىپ الىنعان.
جانە بەتتەستىرۋ كەزىندە م. زاڭگەردىڭ بەتىنەن ۇرعان. ەر ادام وسى ارەكەتى ءۇشىن ونى تاعى سوتقا بەرگەن. ايەل ق ر ق ك 108- بابى (ادەيىلەپ ادام دەنساۋلىعىنا زيان كەلتىرۋ) بويىنشا ايىپتالىپ، 25 ا ە ك (56725) ايىپپۇل تولەۋگە مىندەتتەلدى.
ال «زورلاۋ» فاكتىسى بويىنشا حاسەنوۆ كىنالى دەپ تانىلىپ، 2 جىلعا سوتتالادى. ءبىراق، امنيستياعا ىلىگىپ، نەگىزگى جازادان قۇتىلىپ كەتكەن. ءبىراق، 5 جىلعا دەيىن زاڭگەرلىك جۇمىسپەن اينالىسا المايدى.
زارداپ شەگۋشىنىڭ پايداسىنا سوتتالۋشىدان 1 ميلليون تەڭگە مورالدىق وتەماقى رەتىندە تولەنۋ ماسەلەسى مىندەتتەلدى.
