قىزىلوردادا زەينەپ احمەتوۆانىڭ قاتىسۋىمەن انالار كەڭەسىنىڭ فورۋمى ءوتتى - فوتو
وعان جازۋشى- ەتنوگراف، قوعام قايراتكەرى، باۋىرجان مومىش ۇلىنىڭ كەلىنى، قازاقى داستۇرلەردى، وتباسىلىق قۇندىلىقتاردى، ءداستۇرلى ءدىندى، ۇلتتىق رۋحتى ناسيحاتتاۋشى زەينەپ احمەتوۆا، وبلىس اكىمىنىڭ ورىنباسارى رۋسلان رۇستەموۆ، وبلىستىق، اۋداندىق انالار كەڭەسىنىڭ مۇشەلەرى، ينتەرناتسيونال وتباسىلار، كوپبالالى انالار مەن ەتنومادەني بىرلەستىك مۇشەلەرى، مۇعالىمدەر، قالا تۇرعىندارى جانە باق وكىلدەرى قاتىستى.
شارانى وبلىس اكىمىنىڭ ورىنباسارى ر. رۇستەموۆ جۇرگىزەدى. فورۋمنىڭ ماڭىزدىلىعىن اتاپ، ز. احمەتوۆانىڭ ونەگەلى ءومىر جولىنا توقتالىپ ءوتتى. زەينەپ اسقاربەك قىزى قان مايداندا ايگىلى كومانديرلەردىڭ ءبىرى بولعان، گۆارديا پولكوۆنيگى باۋىرجان مومىش ۇلىنىڭ سوعىستان كەيىنگى جىلدارىنداعى ومىرىنە ارنالعان ەستەلىك-كىتاپ «شۋاقتى كۇندەردىڭ» جانە «ءازىلىڭدى ساعىندىق»، «بابالار اماناتى» كىتاپتارىنىڭ اۆتورى.
فورۋم بارىسىندا زەينەپ اسقاربەك قىزى وتباسىلىق قۇندىلىقتار، ءداستۇرلى ءدىن، ۇلتتىق سالت-ءداستۇر، قازاق قىزىنا ءتان بولمىس، قوعام قالىپتاسۋىنداعى انا-اجە ءرولى تۋرالى اڭگىمە ايتىپ، قاتىسۋشىلاردىڭ سۇراقتارىنا جاۋاپ بەردى.
سونداي-اق، اتا مەن كەلىننىڭ اراسىنداعى بايلانىستى، قاتالدىق ارتىنداعى جۇمساقتىقتى، تاياقتىڭ ۇشىنداعى تاربيە ماسەلەلەرىنە توقتالا كەتتى.
باتىردىڭ كەلىنى بولۋ - ۇلكەن جاۋاپكەرشىلىك پەن ۇقىپتىلىقتى تالاپ ەتكەندىگىن دە ايتىپ ءوتتى.
ايتا كەتۋ كەرەك، دانا كەلىن، دارا كەلىن زەينەپ اسقاربەك قىزىن كورۋگە كەلۋشىلەر قاتارى كوپ بولدى. عيبراتتى اڭگىمەلەرىن تىڭداپ، ونەگەلى وسيەتتەرىن ويلارىنا ءتۇيدى. فورۋم پىكىر- الماسۋ، سۇراق-جاۋاپپەن جالعاسىن تاپتى.
