نەگە سۋىق ەمەس، جىلى سۋ ءىشۋ كەرەك؟

استانا. قازاقپارات - ادام كۇندە بىرنەشە ستاقان سۋ ءىشۋى كەرەك دەگەندى سان مارتە ەستىگەن بولارسىز. بىلە بىلسەڭىز، بۇل وتە پايدالى ادەت.

  الايدا كوپ ادام جىلى سۋدان گورى سۋىق سۋ ىشكەندى ءجون كورەدى. ال شىن مانىسىندە سۋىق سۋدىڭ ادام دەنساۋلىعىنا تيگىزەر زيانى كوپ ەكەن.

اس قورىتۋ جۇيەسىنە اسەرى

سۋىق سۋدىڭ اسەرىنەن تاماقتىڭ قۇرامىنداعى مايلار قاتايىپ، سالدارىنان اس قورىتۋ پروتسەسى باياۋ جۇرەدى.

ال جىلى سۋ، كەرىسىنشە، تاعامنىڭ جىلدام ىدىراۋىنا كومەكتەسەدى، سول ارقىلى ءىش قاتۋعا جول بەرمەيدى.

تىنىس الۋ جۇيەسىنە اسەرى

سۋىق سۋدان شىرىش ءبولىپ، تىنىس الۋ جۇيەسىنىڭ اۋرۋعا شالدىعۋ قاۋپىن جوعارىلاتادى.

ال جىلى سۋ، كەرىسىنشە، تاماقتى جۇمسارتىپ، تىتىركەنۋدى بولدىرمايدى. تىنىس الۋ ورگاندارى اۋىرعان كەزدە نەمەسە كۇندە تاڭەرتەڭ جىلى سۋ ىشكەن پايدالى.

قانتامىرلار جۇيەسىنە اسەرى

سۋىق سۋدان قان تامىرلارى تارىلادى. ال جىلى سۋ ىشكەن كەزدە كەڭەيىپ، ناتيجەسىندە قان اينالىمى جاقسارادى. وسىنىڭ ارقاسىندا اعزاڭىز توكسيندەردەن اناعۇرلىم جىلدام قۇتىلادى.

جۇيكە جۇيەسىنە اسەرى

باس اۋرۋىنىڭ پايدا بولۋىنا كوبىنە تومەن تەمپەراتۋرا سەبەپ بولىپ جاتادى. دارىگەرلەر جۇرگىزگەن زەرتتەۋگە سۇيەنسەك، سۋىق سۋ باس ساقيناسىمەن اۋىراتىن ادامداردىڭ اۋرۋىن ودان ءارى ۋشىقتىرىپ جىبەرەدى ەكەن.

ال جىلى سۋ، كەرىسىنشە، اۋرۋدى باسادى.

 

Baq.kz