ق ر پرەمەر-ءمينيسترى پەرۋاشەۆتىڭ دارەتحاناسى ورتاق جاتاقحانا سالۋ تۋرالى ساۋالىنا جاۋاپ بەردى
«(...) جاپپاي جاتاقحانا سالۋدىڭ تەرىس جاقتارى دا بار. جەكە اسحانا، دارەتحاناسىز جاتاقحانا تۇراقتى جانە ۇزاق تۇرۋعا قولايسىز. بۇنداي عيماراتتىڭ نەگىزگى كەمشىلىگى جالپى قولداناتىن دۋش، دارەتحانا، اسحانالاردىڭ سانيتارلىق جاعدايىنىڭ ناشارلىعى، ادام كوپتىگىنە بايلانىستى تىنىشتىقتىڭ ساقتالماۋى»، - دەدى جاۋاپتا پرەمەر-مينيستر.
سونداي-اق، ونىڭ ايتۋىنشا، قۇرىلىسقا سالىنعان قاراجاتتىڭ قايتىمدىلىعىن قامتاماسىز ەتە المايتىندىعىنا بايلانىستى بۇل جوبا مەملەكەتتىك بيۋدجەتكە سالماق سالادى.
«وسىلايشا ۇيگە مۇقتاج ادامدار سۇرانىسىنىڭ ارتۋى، مەملەكەتتىك بيۋدجەتتىڭ شەكتەۋلى مۇمكىندىگىن ەسكەرىپ، قالاعا كەلگەن اۋىل جاستارىنا جاتاقحانا سالۋعا قاراجات ءبولۋ تۋرالى ايتۋ ءالى ەرتە دەپ سانايمىن»، - دەلىنگەن جاۋاپتا.
ەسكە سالساق، ماجىلىستە «اق جول» فراكسياسى ۇكىمەتكە «نۇرلى جەر» تۇرعىن ءۇي-قۇرىلىس باعدارلاماسىنا تيەسىلى قارجىدن اقشا ءبولىپ، اۋىل جاستارى ءۇشىن جەكەشەلەندىرۋ قۇقىعىنسىز ۇزاق مەرزىمگە جالعا بەرىلەتىن دالىزدىك تۇردەگى جاتاقحانا سالۋدى ەنگىزۋ تۋرالى ماسەلەنى قاراۋدى ۇسىنعان ەدى.
