استاناداعى ورتالىق ساياباققا قاراقۋلار جىبەرىلەدى

استانا. قازاقپارات - ەرتەڭ، مامىردىڭ 20 سى كۇنى حالىقارالىق ساياباقتار مەرەكەسى اياسىندا رەسمي تۇردە استاناداعى بارلىق بەس ساياباقتىڭ جۇمىسى باستالادى.

اكىمدىك قالا تۇرعىندارى مەن قوناقتارى ءۇشىن جاڭا ويىن-ساۋىق باعدارلاماسىن دايىنداپ قويدى، دەپ حابارلايدى قازاقپارات ءتىلشىسى استانا قالالىق مادەنيەت باسقارماسىنا سىلتەمە جاساپ.

«ەرتەڭ، 20- مامىردا بارلىق بەس ساياباق - استانالىق، جەرۇيىق، ستۋدەنتتىك، پرەزيدەنتتىك جانە ارايدا جازعى ماۋىسىمنىڭ اشىلۋى بولادى. بيىل جاڭا اتراكتسيوندار، سونداي-اق ءاربىر ساياباقتىڭ جەكە ويىن-ساۋىق باعدارلاماسى بولادى.

ماسەلەن، ەكستريمدى جاقسى كورەتىندەر ءۇشىن «امەريكاندىق توبەشىكتەر» جانە «5 ەلەمەنت» سياقتى اتراكتسيوندار جۇمىس ىستەيدى.

ال بۇلدىرشىندەر زىمىرانمەن ۇشا الادى. استانالىق ساياباقتىڭ اۋىتىنە اققۋلارمەن بىرگە قاراقۋلار دا جىبەرىلەدى. بۇدان بولەك، ايدارلى ۇيرەك سياقتى ءتورت ەكزوتيكالىق قۇستار بولادى»، - دەلىنگەن باسقارمانىڭ رەسمي حابارلاماسىندا.