ا ق ش «اراب ناتوسىن» قۇرعىسى كەلەدى
امەريكالىق وكىلدىكتىڭ جابىق بريفينگى ترامپتىڭ ەل پرەزيدەنتى لاۋازىمىنداعى العاشقى شەتەلدىك ساپارى بارىسىندا ءوتتى. ەسكە سالساق، امەريكالىق پرەزيدەنت جۇمىس ساپارىمەن ساۋد ارابياسىنا بارادى، وندا ەكىجاقتى كەزدەسۋلەردەن باسقا ءوڭىردىڭ اراب مەملەكەتتەرى سامميتىنە قاتىسۋى جوسپارلانعان. «پانارابتىق قاۋىپسىزدىك ۇيىمدارىنىڭ قۇرىلىمى ۆاشينگتوننىڭ كوپتەگەن وداقتاستارىن قامتيتىن بىرلەسكەن قاۋىپسىزدىك كاوليتسياسى ارقىلى وڭىردە تۇراقتىلىق پەن قاۋىپسىزدىكتى قامتاماسىز ەتۋ ءۇشىن «يسلام مەملەكەتىن» جويعاننان كەيىن قۇرىلادى»، - دەدى اق ءۇيدىڭ جوعارى لاۋازىمدى وكىلى.
ول ۇيىم جۇمىسپەن قامتۋ جانە ينۆەستيتسيا ءۇشىن مۇمكىندىكتەر تۋدىرىپ، ونى كەڭەيتەتىنى تۋرالى ايتتى. بۇنىڭ سوڭى ەكونوميكالىق وسىمگە، قايتا جاڭارتۋعا، بوسقىنداردى قايتارۋعا، وڭىردەگى ۇزاققا سوزىلعان قاقتىعىستى توقتاتۋعا الىپ كەلمەك.
«ءال ارابيا» تەلەارناسى وسىلايشا ا ق ش پرەزيدەنتىنىڭ جوسپارى الدىمەن ساۋد ارابياسىنا بارۋ، سوسىن ەر-ريادتىڭ باسقارۋشى وتباسىمەن مىقتى قاتىناس ورناتۋدان تۇراتىنىن حابارلادى.
پرەزيدەنت ترامپ بۇل جولداۋدى ساۋد ارابياسى كورولىنىڭ مۇراگەرلىك حانزاداسىنىڭ ورىنباسارى موحاممەد بەن سالمان ۆاشينگتونعا كەلگەن ۋاقىتتا بەرىپ جىبەرگەن. بۇدان باسقا، ترامپتىڭ اكىمشىلىگى مۇسىلماندارعا قارسى سوعىسقىسى كەلمەيتىنىن، تەك ەكسترەميزم مەن راديكاليزمگە قارسى تاباندى ارەكەت ەتكىسى كەلەتىنىن جەتكىزۋگە تىرىسۋدا.
