ماقپال ءجۇنىسوۆا العاش رەت حان سارايىنداي ءزاۋلىم ءۇيىن كورسەتتى - فوتو
31- ارنانىڭ «ايتا بەرسىن» باعدارلاماسىندا ول ءۇيىن كىمدەر جانە قالاي كۇزەتەتىنىن ايتىپ بەردى.
ءانشىنىڭ ايتۋىنشا، بۇدان ءبىراز ۋاقىت بۇرىن ول مارقۇم بولعان زامانبەك ءنۇرقادىلوۆتىڭ قۇرمەتىنە ۇيىنەن مۇراجاي اشقان. دەگەنمەن، كەيىننەن ول بۇل مۇراجايدى جابۋعا ءماجبۇر بولعانىن ايتتى.
مۇنىڭ بىردەن ءبىر سەبەبى - قاراقشىلاردىڭ تاپ بەرۋى.
«مۇراجايدى كورۋ ءۇشىن كەلدىك دەگەن 2-3 جىگىت وزىمە باس سالعىسى كەلدى. ءبىراق قۇتىلىپ كەتتىم. سول جايتتان سوڭ جاۋىپ تاستادىق. قازىر ەشكىمدى كىرگىزبەيمىز»، - دەيدى ول.
ونىڭ ءۇيى بۇگىندە كۇزەت قىزمەتى ارقىلى باقىلانادى. ودان بولەك دابىل جۇيەسى دە قوسىلعان.
ءانشى ۇيىندەگى كۇزەت قىزمەتىنە قاتىستى قىزىقتى جايتتى دا ەسكە الدى. بىردە قىرۋار اقشا جۇمسايتىن قىزمەتتى تەكسەرمەك بولىپ، ولاردى ءوزى شاقىرعان. از ۋاقىتتان سوڭ قارۋ اسىنعان، قولىندا اۆتوماتتارى بار 5-6 جىگىت كىرىپ كەلگەن.
«سودان كەشىرىم سۇراپ، تەكسەرمەك بولعانىمدى ايتتىم. «پالەنباي جىل بولدى اقشا تولەپ كەلدىك. شىنىمەن جۇمىس ىستەي ما، جوق پا تەكسەرمەك بولدىم» دەپ اشىق ايتتىم» ، - دەيدى ول.
NUR. KZ
